ବଲାଙ୍ଗିର (ଘଟେଶ୍ୱର ମିଶ୍ର): କାମ ସାରି ବାଇକ୍ରେ ଘରକୁ ଫେରୁଥିଲେ ଦୁଇ ଯୁବକ। ସେମାନଙ୍କୁ ଘରେ ଅପେକ୍ଷା କରିଥିଲେ ପୂରା ପରିବାର। ହେଲେ ରାସ୍ତାରେ ହେଲା ଦୁର୍ଘଟଣା। ଚାଲିଗଲା ଦୁଇ ଜଣଙ୍କ ଜୀବନ। ବଲାଙ୍ଗିର ଜିଲ୍ଲା କୁଶଙ୍ଗ-ଲୋଇସିଂହା ରାସ୍ତାର ଭଦ୍ରା ଛକ ନିକଟରେ ଘଟିଛି ଏହି ଘଟଣା।
ମୃତ ଦୁଇ ଜଣ ହେଲେ ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ତଲିଉଡା ପଂଚାୟତର ଭୁବନ ଚିର୍ଗୁଣ ଓ ଆମପାଲି ଗାଁର ପ୍ରଶାନ୍ତ ପଟେଲ।
ପ୍ରଶାନ୍ତ ଲୋଇସିଂହାରୁ ମାର୍କେଟିଂ ସାରି ବାଇକ ଯୋଗେ ଘରକୁ ଫେରୁଥିଲେ। ସେହିପରି ଭୁବନ ବଲାଙ୍ଗିରରୁ କାମ ସାରି ଘରକୁ ଫେରୁଥିଲେ। ପରସ୍ପର ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ବେଳେ ଭାରସାମ୍ୟ ହରାଇ ସାମ୍ନାସାମ୍ନି ପିଟି ହୋଇଯାଇଥିଲେ।
ବଲାଙ୍ଗିର ପୁଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ଅଧିକ ତଦନ୍ତ ଜାରି ରଖିଛି। ସେପଟେ ଦୁର୍ଘଟଣା ଜନିତ ସହାୟତା ଯୋଗାଇ ଦେବାକୁ ମୃତକଙ୍କ ପରିବାର ଲୋକେ ଲୋଇସିଂହା ବ୍ଲକ ପ୍ରଶାସନ ନିକଟରେ ଦାବି କରିଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
