ଦେବଗଡ଼ (ସିଦ୍ଧାର୍ଥ ଗୁରୁ): ଦେବଗଡ଼ ଦେଇ ଯାଇଥିବା ୫୩ ନମ୍ୱର ଜାତୀୟ ରାଜପଥରେ ବାଇକ୍କୁ ପିଟିଲା ଟ୍ରକ୍। ଫଳରେ ବିଚ୍ ରାସ୍ତାରେ ଚାଲିଗଲା ବାଇକ୍ ଚାଳକଙ୍କ ଜୀବନ। ଦୁର୍ଘଟଣାରେ ବାଇକ୍ ଓ ଟ୍ରକ୍ରେ ନିଆଁ ଲାଗି ଯାଇଥିବାରୁ ଗାଡ଼ି ଚଳାଚଳ ପ୍ରବାଭିତ ହୋଇଛି।
ବିଲେଇଘଟି ଗାଁର ଭୁକୁଲ ମହାକୁଳ (୪୩) ଆଜି ଅପରାହ୍ନରେ ନିଜ ବାଇକ୍ରେ ତିଲେଇବଣୀ ଅଭିମୁଖେ ଯାଉଥିଲେ। ତେବେ ୫୩ ନମ୍ୱର ଜାତୀୟ ରାଜପଥର ପ୍ରଭାଶୁଣି ନିକଟରେ ବିପରୀତ ଦିଗରୁ ଆସୁଥିବା ଏକ ଟ୍ରକ୍ ତାଙ୍କୁ ଧକ୍କା ଦେଇଥିଲା। ଏପରିକି ଟ୍ରକ୍ଟି ବାଇକ୍କୁ କିଛି ରାସ୍ତା ଘୂଷାରି ନେଇଯାଇଥିଲା। ଫଳରେ ବାଇକ୍ରେ ନିଆଁ ଲାଗି ଯାଇଥିଲା। ପରେ ନିଆଁ ଟ୍ରକ୍ରେ ଲାଗି ଯାଇଥିଲା। ଟ୍ରକ୍ରେ ନିଆଁ ଲାଗିଥିବା ଦେଖି ଚାଳକ ଗାଡ଼ି ଛାଡ଼ି ପଳାଇ ଯାଇଥିଲା।
ଅନ୍ୟପକ୍ଷରେ ବାଇକ୍ ଚାଳକ ଶ୍ରୀ ଭୁକୁଲୁଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିଲା। ରାସ୍ତା ଉପରେ ଗାଡ଼ି ଦୁଇଟି ଜଳୁଥିବାରୁ ସ୍ଥାନୀୟ ଲୋକେ ଉକ୍ତ ରାସ୍ତା ଦେଇ ଯିବା ଆସିବା କରିବାକୁ ନିରାପଦ ମଣୁ ନାହାନ୍ତି। ଯାହାଫଳରେ ଗାଡ଼ି ଚଳାଚଳ ଠପ୍ ହୋଇଛି। ବର୍ତ୍ତମାନ ନିଆଁ ଲିଭାଇବାକୁ ଉଦ୍ୟମ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
