ଭୁବନେଶ୍ୱର(ଓଡ଼ିଶା ରିପୋର୍ଟର): ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ବାକି ଥିବା ୨ଟି ବିଧାନସଭା ଆସନ ଫୁଲବାଣୀ ଓ ବୀରମିତ୍ରପୁର ନିମନ୍ତେ ବିଜେଡି ଆଜି ପ୍ରାର୍ଥୀ ତାଲିକା ଘୋଷଣା କରିଛି। ଆସନ୍ତାକାଲି ପ୍ରାର୍ଥୀପତ୍ର ଦାଖଲର ଶେଷ ଦିନ ରହିଛି।
ସୂଚନା ଅନୁସାରେ ଫୁଲବାଣୀ ବିଧାୟକ ଡୁଗୁନି କହଁରଙ୍କ ବଦଳରେ ଅଙ୍ଗଦ କହଁରଙ୍କୁ ଦଳ ସେଠାରେ ପ୍ରାର୍ଥୀ କରିଛି। ଶ୍ରୀ କହଁର ଏବେ ଫିରିଙ୍ଗିଆ ବ୍ଲକର ଜଣେ ବରିଷ୍ଠ ବିଜେଡି ନେତା। ସେ ଜିଲ୍ଲା ପରିଷଦ ସଭ୍ୟ ଓ ବ୍ଲକ ଅଧ୍ୟକ୍ଷ ଭାବେ କାର୍ଯ୍ୟ କରିଥିବାବେଳେ ଏବେ ସରପଞ୍ଚ ଅଛନ୍ତି। ବରିଷ୍ଠ ନେତା ପଦ୍ମନାଭ ବେହେରାଙ୍କ ସମର୍ଥକ ଭାବେ ଶ୍ରୀ କହଁର ପରିଚିତ। ଏହି ଆସନ ପାଇଁ ପ୍ରାର୍ଥୀକୁ ନେଇ ବରିଷ୍ଠ ନେତା ବିକ୍ରମ କେଶରୀ ଆରୁଖ୍ ଓ ପଦ୍ମନାଭ ବେହେରାଙ୍କ ମଧ୍ୟରେ ଟଣାଓଟରା ଚାଲିଥିଲା।
ସେହିପରି ବୀରମିତ୍ରପୁର ଆସନ ପାଇଁ ମୁଖଲୁ ଏକ୍କାଙ୍କୁ ବିଜେଡି ପ୍ରାର୍ଥୀ କରିଛି। ଶ୍ରୀ ଏକ୍କା ଏବେ ସ୍ଥାନୀୟ ନୂଆଗାଁ ବ୍ଲକ ଅଧ୍ୟକ୍ଷ ଭାବେ କାର୍ଯ୍ୟ କରୁଛନ୍ତି। ବୀରମିତ୍ରପୁର ଆସନରେ ବିଜେଡିର ସ୍ଥିତି ଭଲ ନଥିବାରୁ ଶ୍ରୀ ଏକ୍କାଙ୍କ ମାଧ୍ୟମରେ ଦଳ ଏହି ଆସନକୁ ହାତେଇବାକୁ ଲକ୍ଷ୍ୟ ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
