ଚରମସୀମାରେ ବିଜେଡି କନ୍ଦଳ: ବିଧାୟକ ପ୍ରାର୍ଥୀଙ୍କ କାର ଭଙ୍ଗାରୁଜା

ବୌଦ୍ଧ (ଭାର୍ଜନ କୁମାର ପ୍ରଧାନ) : ବୌଦ୍ଧ ଜିଲ୍ଲା କଣ୍ଟାମାଳରେ ଚରମସୀମାରେ ପହଞ୍ଚିଛି ବିଜେଡି ଅସନ୍ତୋଷ। ଦଳର ବିଧାୟକ ପ୍ରାର୍ଥୀ ମହୀଧର ରଣାଙ୍କ ଗାଡ଼ି ଭଙ୍ଗାରୁଜା କରାଯାଇଛି। ଘିକୁଣ୍ଡି ପଂଚାୟତର ରତାଖଣ୍ଡିରେ ସେ ପ୍ରଚାର କରୁଥିବା ବେଳେ କିଛି ଅସନ୍ତୁଷ୍ଟ ବିଜେଡି କର୍ମୀ ମହୀଧରଙ୍କ ଗାଡ଼ି ଭଙ୍ଗାରୁଜା କରିଥିବା ଅଭିଯୋଗ ହୋଇଛି।  ଏହାକୁ ନେଇ କର୍ମୀଙ୍କ ମଧ୍ୟରେ ଉତ୍ତେଜନା ଦେଖା ଦେଇଛି। ଏହି ଘଟଣାରେ ମହୀଧରଙ୍କ ପ୍ରତିକ୍ରିୟା ମିଳିପାରି ନାହିଁ।