ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଢେଙ୍କାନାଳ ଯୁବ ବିଜେଡି ସଭାପତି ଯଶୋବନ୍ତ ପରିଡ଼ା ହତ୍ୟା ଘଟଣାର ପର୍ଦ୍ଦାଫାସ ହୋଇଛି। ହତ୍ୟାକାଣ୍ଡର ୧୧ ଦିନ ପରେ ପୋଲିସ ଆଜି ସମସ୍ତ ୮ ଅଭିଯୁକ୍ତଙ୍କୁ ଗିରଫ କରିବା ସହ ହତ୍ୟା ରହସ୍ୟ ଉନ୍ମୋଚନ କରିଛି। ମୁଖ୍ୟ ଅଭିଯୁକ୍ତ ରାକେଶ ନାଥକୁ ଆଜି ପଶ୍ଚିମବଙ୍ଗରୁ ଗିରଫ କରିଛି ଢେଙ୍କାନାଳ ପୋଲିସ। ରାକେଶ ସୁପାରୀ ଦେଇ ଯଶୋବନ୍ତଙ୍କୁ ହତ୍ୟା କରାଇଥିବା ଢେଙ୍କାନାଳ ଏସପି କହିଛନ୍ତି।</p> <p>ହତ୍ୟା ପଛରେ ଠିକାଦାରୀ ଓ ଦାଦାବଟି ମୁଖ୍ୟ କାରଣ ବୋଲି ଏସ୍‌ପି ସୂଚନା ଦେଇଛନ୍ତି। ଏସ୍‌ପି କହିଛନ୍ତି, “ଅଭିଯୁକ୍ତ ରାକେଶ କାମାକ୍ଷାନଗରରେ ହେଉଥିବା ବିଭିନ୍ନ ଠିକାକାମ ପାଇଁ ଠିକାଦାରଙ୍କଠାରୁ ବଟି ଆଦାୟ କରୁଥିଲେ। ସ୍ଥାନୀୟ ଲୋକ ପ୍ରତିନିଧି ହିସାବରେ ଯଶୋବନ୍ତ ଏହାକୁ ବିରୋଧ କରୁଥିଲେ। ଯଶୋବନ୍ତଙ୍କ ଯୋଗୁଁ ରାକେଶ ଠିକା କମ୍ପାନୀରୁ ଦାଦାବଟି ପାଉ ନଥିବା ବେଳେ ସଂପୃକ୍ତ ଠିକା କମ୍ପାନୀ ରାକେଶଙ୍କ ବାପାଙ୍କୁ ମଧ୍ୟ କାର୍ଯ୍ୟରୁ ବାହାର କରିଦେଇଥିଲା। ଏଥିରେ ପ୍ରତିଶୋଧ ପରାୟଣ ହୋଇ ଯଶୋବନ୍ତଙ୍କୁ ହତ୍ୟା ପାଇଁ ରାକେଶ ସୁପାରୀ ଦେଇଥିଲେ।</p> <p>ଗତମାସ ୨୬ ତାରିଖରେ କାମାକ୍ଷାନଗର ବଜାର ଗାନ୍ଧୀ ମନ୍ଦିରଠାରେ ଯୋଶବନ୍ତଙ୍କ ଗାଡ଼ି ଉପରକୁ ଅତର୍କିତ ଭାବେ ବୋମା ଓ ଗୁଳିମାଡ଼ କରାଯାଇଥିଲା। ୮ ବୋମା ଓ ୫ ରାଉଣ୍ଡ ଗୁଳିମାଡ଼ ପରେ ଏକ ବୋଲେରୋ ଫେରାର ହୋଇଯାଇଥିଲେ ଆକ୍ରମଣକାରୀ। ପରେ ଯଶୋବନ୍ତ ଗୁରୁତର ଅବସ୍ଥାରେ କଟକ ବଡ଼ ମେଡିକାଲରେ ଭର୍ତ୍ତି ହୋଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ଘଟଣାକୁ ନେଇ ସାରା ରାଜ୍ୟରେ ଚହଳ ପଡ଼ିଥିବା ବେଳେ ସେଦିନଠୁ ହତ୍ୟାକାରୀଙ୍କୁ ଧରିବାକୁ ଜାଲ ବିଛାଇଥିଲା ଢେଙ୍କାନାଳ ପୋଲିସ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
