ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେଡି ଗଠନ ହେବା ଦିନରୁ ନବୀନ ପଟ୍ଟନାୟକଙ୍କ ନାଁରେ ଭୋଟ ହାତେଉଛି ଦଳ। ତେବେ ବିଭିନ୍ନ ପ୍ରସଙ୍ଗକୁ ନେଇ ଗତ କିଛିବର୍ଷ ହେବ ବ୍ୟାକ୍‌ଫୁଟ୍‌ରେ ଥିବା ବିଜେଡି ‘ନବୀନ ବ୍ରାଣ୍ଡ’କୁ ଅଧିକ ପ୍ରମୋଟ କରି ପୁଣି ଥରେ ରାଜ୍ୟବାସୀଙ୍କ ହୃଦୟ ଜିତିବାକୁ ଚେଷ୍ଟା କରୁଛି। ଯାହା ଆସନ୍ତାକାଲି ଶିଶୁ ଦିବସର ସଫଳ ଆୟୋଜନରୁ ଜଣାପଡୁଛି। ରାଜ୍ୟସ୍ତରୀୟ ଶିଶୁଦିବସ କାର୍ଯ୍ୟକ୍ରମ ପାଳନ ପରେ ବିଜେଡି କ୍ୟାମ୍ପରେ ଉତ୍ସହ ଖେଳି ଯାଇଛି। ଏଥିରୁ ଫାଇଦା ନେବାକୁ ଦଳ ଆରମ୍ଭ କରିଦେଇଛି ଜୋରଦାର ପ୍ରୟାସ। ଚର୍ଚ୍ଚା ହେଉଛି, ଉଭୟ ଦଳ ଓ ସରକାର ‘ବ୍ରାଣ୍ଡ ନବୀନ’କୁ ପ୍ରମୋଟ୍ କରିବା ଲାଗି ଆଗକୁ ଗୋଟିଏ ପରେ ଗୋଟିଏ ଏଭଳି କାର୍ଯ୍ୟକ୍ରମ ଆୟୋଜନ କରିବ। ଖାସ୍ କରି ଲଗାତାର କାର୍ଯ୍ୟକ୍ରମମାନ କରି ମାହୋଲକୁ ସରଗରମ ରଖିବାକୁ ବିଜେଡି ଚେଷ୍ଟା କରୁଛି।</p> <p>ଏବେ ପ୍ରଶ୍ନ ଉଠୁଛି, ଶିଶୁଦିବସ ପାଳନ ଆଳରେ ବ୍ରାଣ୍ଡ ନବୀନଙ୍କୁ ପ୍ରମୋଟ୍ କରିବା ପାଇଁ ବିଜେଡିର ଏହା ଷ୍ଟ୍ରାଟେଜି ଥିଲା କି ? ଗୋଟିଏ ପଟେ ଛାତ୍ରଛାତ୍ରୀଙ୍କୁ ଗୁରୁମନ୍ତ୍ର ଅନ୍ୟପଟେ ଶିକ୍ଷା କ୍ଷେତ୍ରରେ ପ୍ୟାକେଜ। ଶିଶୁଦିବସ ଅବସରରେ ନବୀନ ଦେଇଛନ୍ତି ଏହି ଡବଲ ଧମାକା।</p> <p>ଅନ୍ୟପକ୍ଷରେ ବିଜେଡି ସରକାରଙ୍କ ଏଭଳି ବ୍ୟୟବହୁଳ ଶିଶୁଦିବସ ଆୟୋଜନ ବିରୋଧୀ କଂଗ୍ରେସ ଓ ବିଜେପିକୁ ସମାଲୋଚନା ଲାଗି ମୌକା ଦେଇଛି। ନବୀନ ଭୟଭୀତ ହୋଇ ଏଭଳି କାର୍ଯ୍ୟକ୍ରମ କରୁଛନ୍ତି, ଏଥିରୁ କିଛି ଫାଇଦା ମିଳିବ ନାହିଁ ବୋଲି ବିରୋଧୀ କହିଛନ୍ତି। ଶିଶୁଦିବସ କାର୍ଯ୍ୟକ୍ରମରୁ ରାଜନୈତିକ ଫାଇଦା ନେବାକୁ ବିଜେଡି ଚେଷ୍ଟା କରୁଥିବା ଅଭିଯୋଗକୁ ଦଳ ଖଣ୍ଡନ କରିଛି।</p> <p>ପଞ୍ଚାୟତ ନିର୍ବାଚନ ଝଟକା ପରେ ନବୀନଙ୍କ ହାବଭାବ ପୂରା ବଦଳି ଯାଇଛି। କାମ କରିବାର ଷ୍ଟାଇଲ ବି ବଦଳିଛି। ଆଉଟ୍‌ଲୁକ୍‌ ପତ୍ରିକା ପକ୍ଷରୁ ନବୀନ ଶ୍ରେଷ୍ଠ ପ୍ରଶାସକ ପୁରସ୍କାର ପାଇବା ପରେ ରାଜଧାନୀରେ ଶକ୍ତି ପ୍ରଦର୍ଶନ କରିଥିଲା ଦଳ। ନବୀନଙ୍କ ଜନ୍ମଦିନରେ ବି ଚାଲିଥିଲା ସେଲିବ୍ରେସନ୍। ବିଭିନ୍ନ ସମୟରେ ଦଳୀୟ କାର୍ଯ୍ୟକ୍ରମ ହେଉ କି ସରକାରୀ କାର୍ଯ୍ୟକ୍ରମ, ମହୋଲ ବନାଇକି ରଖିବାକୁ ଭରପୂର ଉଦ୍ୟମ କରୁଛି ଦଳ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
