ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟ ସରକାର ଆଗତ କରିଥିବା ବଜେଟରେ କୌଣସି ନୂଆ ଘୋଷଣା ନାହିଁ। ଲୋକମାନଙ୍କୁ ଭ୍ରମିତ କରିବା ପାଇଁ ଏହି ବଜେଟରେ ଉଦ୍ୟମ ହୋଇଛିି ଓ ସବୁବର୍ଗଙ୍କୁ ନିରାଶ କରାଯାଇଛି ବୋଲି ରାଜ୍ୟ ଉପସଭାପତି ସମୀର ମହାନ୍ତି କହିଛନ୍ତିା
ଶ୍ରୀ ମହାନ୍ତି କହିଛନ୍ତି କି ଏହି ବଜେଟର ରୂପରେଖ ହେଉଛି ପୁରୁଣା ବୋତଲରେ ନୁଆ ଲେବଲ ଲାଗିବା ଭଳିା ନିର୍ବାଚନ ପୂର୍ବରୁ ବୋଧହୁଏ ଏହି ବଜେଟ ତାଙ୍କର ଶେଷ ବଜେଟ ବୋଲି ମୁଖ୍ୟମନ୍ତ୍ରୀ ଜାଣିସାରିଲେଣି। ସେଥିପାଇଁ ବଜେଟ୍ ପ୍ରସ୍ତୁତିରେ ନବୀନ ବାବୁଙ୍କର ଉତ୍ସାହ କମିଯାଇଛି । କୌଣସି ନୂଆ ଘୋଷଣା ଏହି ବଜେଟରେ ନକରିବା ସରକାରଙ୍କର ମନୋବଳ ଭାଙ୍ଗିଯାଇଥିବା କଥାକୁ ପ୍ରମାଣିତ କରୁଛି।
୨୦୧୮-୧୯ ରେ ଯୋଜନା ବ୍ୟୟ ଥିଲା ୬୭ ହଜାର କୋଟି। କିନ୍ତୁ ୨୦୧୯-୨୦ରେ ଏହା ୬୬ ହଜାର କୋଟି ଟଙ୍କାକୁ ହ୍ରାସ ପାଇଛି। ୨୦୧୮-୧୯ର ମୋଟ ବଜେଟ ଅପେକ୍ଷା ୨୦୧୯-୨୦ ମୋଟ ବଜେଟରେ ୧୦% ବୃଦ୍ଧି ପାଇଛି। ସେହି ଅନୁସାରେ ଯୋଜନା ବ୍ୟୟ ମଧ୍ୟ ୧୦% ବୃଦ୍ଧି ପାଇବା କଥା। ୬୭ ହଜାର କୋଟିରୁ ଏହା ୭୩,୭୦୦ କୋଟି ହେବା କଥା। କିନ୍ତୁ ଆଶ୍ଚର୍ଯ୍ୟର ବିଷୟ ଏହା ବରଂ ୨୦୧୮- ୧୯ ଅପେକ୍ଷା ଆହୁରି ୧୦୦୦ କୋଟି ଟଙ୍କା କମିଯାଇଛି ବୋଲି ଶ୍ରୀ ମହାନ୍ତି କହିଛନ୍ତି। ରାଜ୍ୟର ଭିତ୍ତିଭୁମି ବିକାଶଠାରୁ ଆରମ୍ଭ କରି ସମସ୍ତ ଜନକଲ୍ୟାଣ ଯୋଜନା ସବୁ ଯୋଜନା ବ୍ୟୟରୁ ହିଁ ହୋଇଥାଏ। ହଜାରେ କୋଟି ଟଙ୍କାର ହ୍ରାସ ହିସାବକୁ ନେଲେ ମୋଟ ଯୋଜନା ବ୍ୟୟ ପାଖାପାଖି ୭ ହଜାର କୋଟି ଟଙ୍କା କାହିଁକି କମିଛି ବୋଲି ସେ ପ୍ରଶ୍ନ କରିଛନ୍ତି।
ଋଣ କରି ବଳକା ବଜେଟ
ସେହିପରି ଗତ ଆର୍ଥିକ ବଜେଟରୁ ସରକାର ୧୦ ହଜାର ୫୫୫ କୋଟି ଟଙ୍କା ବଳକା ରଖିଛନ୍ତି। ଯାହାବି ବ୍ୟୟ କରିଛନ୍ତି ବୋଲି କହିଛନ୍ତି ସେଥିରୁ ୨୫% ଅର୍ଥ ଖର୍ଚ୍ଚ ହୋଇପାରିନାହିଁ। ମାର୍ଚ୍ଚ ୩୧ ସୁଦ୍ଧା ଏହି ଅର୍ଥ କେମିତି ଖର୍ଚ୍ଚ ହେବ ତାହା ଏକ ବଡ଼ ପ୍ରଶ୍ନ ବୋଲି ଶ୍ରୀ ମହାନ୍ତି କହିଛନ୍ତି। ସେ କହିଛନ୍ତି ୨୦୧୯-୨୦ରେ ବଜେଟରେ ମୋଟ ଋଣ ହେଉଛି ୧୬ ହଜାର ୧୯୩ କୋଟି ଟଙ୍କା। ଏପଟେ ସରକାର କହିଛନ୍ତି ରାଜସ୍ୱ ବଳକା ହେବ ୮ ହଜାର ୪୩୩ କୋଟି ଟଙ୍କା। ଋଣ କରି ବଳକା ବଜେଟ କରିବା କ’ଣ ସରକାରଙ୍କର ବାହାଦୂରୀ ବୋଲି ସେ ପ୍ରଶ୍ନ କରିଛନ୍ତି।
ଶ୍ରୀ ମହାନ୍ତି ଆହୁରି ମଧ୍ୟ କହିଛନ୍ତି ଯେ, ନିର୍ବାଚନକୁ ଆଖି ଆଗରେ ରଖି କାଳିଆ ଯୋଜନାରେ ୪୦୦୦ କୋଟି ଟଙ୍କାର ବ୍ୟବସ୍ଥା କରିଛନ୍ତି। ରାଜ୍ୟରେ ଚାଷୀମାନଙ୍କ ଅସନ୍ତୋଷରେ ସରକାର ଭୟ କରି ଏପରି କରିଛନ୍ତି। ପୁରୁଣା ପାପକୁ କାଳିଆ ଯୋଜନାରେ ଧୋଇବାର ପ୍ରୟାସ ହୋଇଛି। କିନ୍ତୁ ଏଥିରେ କେତେ ଭାଗଚାଷୀ ଲାଭବାନ ହେବେ ତାହା ଏକ ବଡ଼ ପ୍ରଶ୍ନ। କାରଣ ରାଜ୍ୟରେ ଭାଗଚାଷୀ ଗଣନା ଏଯାଏ ହୋଇନାହିଁ। ଅନ୍ୟପକ୍ଷେ ପକ୍କାଘର, ପିଇବା ପାଣି, ସାମାଜିକ ନିରାପତ୍ତା ପେନସନ ଆଦିରେ ବଜେଟ ରାଶି କମିଯାଇଛି ବୋଲି ଶ୍ରୀ ମହାନ୍ତି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
