ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଶିଶୁ ଦିବସରେ ମୁଖ୍ୟମନ୍ତ୍ରୀଙ୍କ ଉଦ୍‌ବୋଧନ ଦେବା ପରେ ତାଙ୍କୁ କଡ଼ା ସମାଲୋଚନା କରିଛି ବିଜେପି ଓ କଂଗ୍ରେସ। ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ପ୍ରଶ୍ନ କରିଛନ୍ତି, “ମରୁଡ଼ି, ଚକଡ଼ାରେ ଚାଷୀ ହନ୍ତସନ୍ତ ବେଳେ ମୁଖ୍ୟମନ୍ତ୍ରୀ ଆତ୍ମ ପ୍ରଚାର କାହିଁକି କରୁଛନ୍ତି ?”</p> <p>ଏହାଛଡ଼ା ବିଜେପି ମୁଖ୍ୟମନ୍ତ୍ରୀଙ୍କ ଓଡିଆ ପଢ଼ାକୁ ଚ୍ୟାଲେଞ୍ଜ କରିଛି। ଯଦି ମୁଖ୍ୟମନ୍ତ୍ରୀ ଓଡ଼ିଆ ପତ୍ରିକା ଗଣମାଧ୍ୟମ ଆଗରେ ପଢ଼ି ପାରିବେ, ତେବେ ୧ ଲକ୍ଷ ଟଙ୍କା ପୁରସ୍କାର ଦିଆଯିବ ବୋଲି ଦଳ ପକ୍ଷରୁ କୁହାଯାଇଛି।</p> <p>ସେପଟେ କଂଗ୍ରେସ କହିଛି ୧୭ବର୍ଷ ପରେ ମୁଖ୍ୟମନ୍ତ୍ରୀ ମନକଥା କହୁଛନ୍ତି। ୧୭ବର୍ଷ ପରେ ଆଜି ବି ଭୁବନେଶ୍ୱରରେ ନେହେରୁଙ୍କ ପ୍ରତିକୃତି ଅବହେଳିତ ଅବସ୍ଥାରେ ପଡ଼ିରହିଛି। ଏଥିରୁ ନେହେରୁଙ୍କ ପ୍ରତି ସରକାରଙ୍କ କେତେ ଶ୍ରଦ୍ଧା ସମ୍ମାନ ଅଛି, ତାହା ବାରି ହେଉଛି ବୋଲି ପିସିସି ସଭାପତି ପ୍ରସାଦ ହରିଚନ୍ଦନ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।