କଟକରେ ମୁଖ୍ୟମନ୍ତ୍ରୀଙ୍କୁ ବିରୋଧ; ପୋଲିସ ଗାଡ଼ିକୁ ଅଣ୍ଡାମାଡ଼

କଟକ(ଓଡ଼ିଶା ରିପୋର୍ଟର): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗସ୍ତକୁ ବିରୋଧ କରି ବିଜେପି ଯୁବମୋର୍ଚ୍ଚା ପକ୍ଷରୁ କଟକରେ ବିକ୍ଷୋଭ ପ୍ରଦର୍ଶନ କରାଯାଇଛି। ସିଡିଏ ନିକଟରେ ଯୁବମୋର୍ଚ୍ଚା କର୍ମୀମାନେ କଳାପତାକା ଓ ଚୁଡ଼ି ପ୍ରଦର୍ଶନ କରିଛନ୍ତି।  ବିକ୍ଷୋଭ କରିଥିବା ୫୦ ଜଣ କର୍ମୀଙ୍କୁ ପୋଲିସ ଉଠାଇ ନେଇଛି।

ସେହିପରି ଯୋବ୍ରା ବ୍ୟାରେଜ ନିକଟରେ ମଧ୍ୟ ମୁଖ୍ୟମନ୍ତ୍ରୀଙ୍କୁ ବିରୋଧ କରାଯାଇଛି।  ପୋଲିସ ଗାଡ଼ିକୁ ବିଜେପି କର୍ମୀ ଅଣ୍ଡାମାଡ଼ କରିଥିବା ଅଭିଯୋଗ ହୋଇଛି। କେନ୍ଦ୍ରୀୟ ଅନୁଦାନରେ ଏଲଇଡ଼ି ଆଲୋକୀକରଣ କାର୍ଯ୍ୟ ହୋଇଥିବା ବେଳେ କେନ୍ଦ୍ର ସରକାରଙ୍କ କୌଣସି ପ୍ରତିନିଧିଙ୍କୁ ଉତ୍ସବରେ ସାମିଲ କରନଯିବାର ପ୍ରତିବାଦ କରିଛି ବିଜେପି ଯୁବ ମୋର୍ଚ୍ଚା।

ଅନ୍ୟପକ୍ଷରେ କଟକରେ ବିଭିନ୍ନ ପ୍ରକଳ୍ପର ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ।  ଏସ୍‌ସିବି ପରିସରରେ ସେ ନୂଆ ବିଲ୍‌ଡିଂ ସହିତ ନର୍ସିଂ କଲେଜର ନୂଆ ଗୃହର ଉଦଘାଟନ କରିଛନ୍ତି।  ଏହା ସହିତ ଏକ ନୂଆ ଅଡିଟୋରିଅମ୍ ଓ ନର୍ସିଂ ଛାତ୍ରୀଙ୍କ ହଷ୍ଟେଲ ମଧ୍ୟ ଉଦଘାଟନ କରିଛନ୍ତି।