ବ୍ରହ୍ମ ବିଭ୍ରାଟ: ଆଜି ହାଜର ହେବେ ଦେଉଳକରଣ ଓ ତଢଉକରଣ

ପୁରୀ: ଶ୍ରୀଜିଉଙ୍କ ବ୍ରହ୍ମ ପରିବର୍ତ୍ତନ ବିଭ୍ରାଟ ପ୍ରସଙ୍ଗରେ ଆଜି ଦେଉଳ କରଣ ଓ ତଢଉ କରଣ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ନିକଟରେ ହାଜର ହେବାକୁ ନୋଟିସ ଦିଆଯାଇଛି । ଯଦି ଏହି ନୋଟିସଙ୍କୁ ଅବମାନନା କରାଯାଏ ତେବେ ପ୍ରଶାସନ ପକ୍ଷରୁ ଦୃଢ କାର୍ଯ୍ୟନୁଷ୍ଠାନ ନିଆଯିବ ବୋଲି ଜଣାପଡିଛି। ଗୁରୁବାର ୩ ଦଇତାପତି କୃଷ୍ଣଚନ୍ଦ୍ର ଦାସ ମହାପାତ୍ର, ନବକିଶୋର ଦାସ ମହାପାତ୍ର ଓ ବିଶ୍ୱନାଥ ଦାସ ମହାପାତ୍ରଙ୍କ ବୟାନ ରେକର୍ଡ କରାଯାଇଥିଲା । ଏହି ତିନି ଦଇତାପତି ଗତକାଲି ସନ୍ଧ୍ୟାରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ କୋର୍ଟରେ ହାଜର ହୋଇ ଘଟ ପରିବର୍ତ୍ତନ ଦିନର ଘଟଣା ସମ୍ପର୍କରେ ନିଜର ମତ ରଖିଥିଲେ ।

ଅନ୍ୟପକ୍ଷରେ ଏହି ବିବାଦରେ ନିଲମ୍ବିତ ହୋଇଥିବା ଦୁଇଜଣ ଦଇତାପତି କଶୀନାଥ ଓ ଜୟକୃଷ୍ଣ ଦାସମାହାପାତ୍ରଙ୍କୁ ପୁଣିଥରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ନୋଟିସ ଜାରି କରାଯାଇଛି। ଗଣମଧ୍ୟାମରେ ବିଭିନ୍ନ ପ୍ରସଙ୍ଗରେ ଦେଇଥିବା ବିଭ୍ରାନ୍ତିକର ବୟାନ ପାଇଁ ନୋଟିସ ଜାରିହୋଇଥିବା ସୂଚନା ମିଳିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।