ଦେଢ଼ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିର‍ଫ

ନୟାଗଡ(ଆର୍ତ୍ତତ୍ରାଣ ପ୍ରଧାନ): କିଛି ଦିନର ବ୍ୟବଧାନ ପରେ ନୟାଗଡରେ ପୁଣି ସକ୍ରିୟ ହୋଇଛି ଧଳାଜହର କାରବାର । ନୟାଗଡ ଟାଉନ ଥାନା ଅନ୍ତର୍ଗତ ସିନ୍ଦୁରିଆ ବ୍ୟାଙ୍କ ଛକରୁ ନୟାଗଡ ସଦର ଓ ମୋବାଇଲ ସ୍କ୍ୱାଡ ମିଳିତ ଚଢ଼ାଉ କରି ୧୫ ଗ୍ରାମ ବ୍ରାଉନ ସୁଗାର ଜବତ କରିଛନ୍ତି । ଜବତ ବ୍ରାଉନସୁଗାର ମୂଲ୍ୟ ଦେଢ଼ ଲକ୍ଷ ଟଙ୍କା ହେବ ବୋଲି କୁହାଯାଉଛି । ଏହି ଘଟଣାରେ ଅବକାରୀ ବିଭାଗ ନିରଞ୍ଜନ ମହାରଣା ନାମକ ଜଣେ ବ୍ୟକ୍ତିକୁ ଗିରଫ ମଧ୍ୟ କରିଛି ।

ଗିରଫ ବ୍ୟକ୍ତିର ଘର ନୟାଗଡ ସିନ୍ଦୁରିଆ ଅଞ୍ଚଳରେ ବୋଲି ଜଣାପଡିଛି । ତା’ନିକଟରୁ ୧୪ଟି ମୋବାଇଲ ଫୋନ ମଧ୍ୟ ଜବତ ହୋଇଛି । ରଣପୁର ଲୋଧାଚୁଆ ଅଞ୍ଚଳରୁ ଏହି ବ୍ରାଉନସିଗାର ଆସୁଥିବା ନେଇ ଅଭିଯୁକ୍ତ ଜଣକ ସୂଚନା ଦେଇଛି । ତେବେ ଏହି ଧଳାଜହର କାରବାରରେ ତା’ସହ ଆଉ କାହାର ସମ୍ପୃକ୍ତି ରହିଛି ସେ ନେଇ ଅଧିକ ଖୋଲତାଡ ଜରି ରଖିଛି ଅବକାରୀ ବିଭାଗ ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।