କଟକ (ଓଡ଼ିଶା ରିପୋର୍ଟର): ଆଉ ଦିନକ ପରେ ମକର ସଂକ୍ରାନ୍ତି। ତେବେ ଏହା ପୂର୍ବରୁ କଟକ ମ୍ୟୁନିସିପାଲ୍ କର୍ପୋରେସନ୍ (CMC) ବଡ଼ ନିଷ୍ପତ୍ତି ନେଇଛି। ମକର ସଂକ୍ରାନ୍ତିକୁ ଆଖି ଆଗରେ ରଖି ଗୁଡ଼ି ଉଡ଼ାରେ ବ୍ୟବହୃତ ଚାଇନିଜ୍ ମାଞ୍ଜା ଉପରେ ବ୍ୟାନ୍ ଲଗାଇଛି CMC। ଏହାଛଡ଼ା କାଚ ଲଗାଇ ପ୍ରସ୍ତୁତ ହେଉଥିବା ଅନ୍ୟ ସମସ୍ତ ପ୍ରକାରର ସୂତାକୁ ମଧ୍ୟ ବ୍ୟାନ୍ କରିଛି CMC।
ଗୁଡ଼ି ସୂତାରେ ଜୀବନହାନୀ ହେବା ଆଶଙ୍କାରେ ଏହି ମାଞ୍ଜା ଓ କାଚ ଲଗା ସୂତାକୁ ବ୍ୟାନ୍ କରାଯାଇଛି। ଏ ନେଇ CMC ଗାଇଡଲାଇନ୍ ଜାରି କରିଛି। ଯେଉଁ ସବୁ ଆଇଟମ୍ ବ୍ୟାନ୍ କରାଯାଇଛି, ତା'ର ବିକ୍ରିକୁ ରୋକିବା ପାଇଁ CMC ତିନୋଟି ଟିମ୍ ଗଠନ କରିଛି।
ପ୍ରଥମ ଟିମରେ ପଞ୍ଚାନନ ପାଲ୍ (ଟିମ୍ ଲିଡର୍), ପ୍ରଫୁଲ୍ଲ କୁମାର ମଙ୍ଗଳ, ସୁବାସ ଚନ୍ଦ୍ର ବାରିକ, ଏସକେ ଅଲମାସ୍ ରହିଥିବା ବେଳେ ୨ୟ ଟିମରେ ରଞ୍ଜିତ କୁମାର ସାହୁ (ଟିମ୍ ଲିଡର୍), ଧବଳୀ ରାଓ, ଟି. ବୁଜି ଓ ଅଶୋକ କୁମାର ବାରିକ ଏବଂ ତୃତୀୟ ଟିମରେ ବଂଶୀଧର ସାହୁ (ଟିମ୍ ଲିଡର୍), ନିରଞ୍ଜନ ବ୍ରହ୍ମ, ସୁରେନ୍ଦ୍ର ନାୟକ ଓ ଜ୍ୟୋତି ରଞ୍ଜନ ଦାସ ରହିଛନ୍ତି।