ଶିଶୁଙ୍କ ସହ ଏମିତି ମିଶିଲେ ଓ ଗପିଲେ ନବୀନ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟସ୍ତରୀୟ ଶିଶୁଦିବସ ସମାରୋହରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦେଖିବାକୁ ମିଳିଥିଲା ଅଲଗା ଅନ୍ଦାଜରେ। ପିଲାଙ୍କୁ ଆଗକୁ ବଢ଼ିବାକୁ ଗୁରୁମନ୍ତ୍ର ଦେବା ସହ ସେମାନଙ୍କ ଉଜ୍ୱଳ ଭବିଷ୍ୟତ କାମନା କରିଥିଲେ। ଖାଲି ସେତିକି ନୁହେଁ, ପିଲାମାନଙ୍କ ସହ ଏକାଠି ବସି ସାଂସ୍କୃତିକ କାର୍ଯ୍ୟକ୍ରମର ମଜା ନେଇଥିଲେ। ଏହାସହ ପିଲାମାନଙ୍କ ସହ ମନଭରି କଥାବାର୍ତ୍ତା ମଧ୍ୟ କରିଥିଲେ।</p><p>ମୁଣ୍ଡରେ ଟୋପି, ଛାତିରେ ବ୍ୟାଜ୍, ଆଉ ହାତରେ ରଙ୍ଗୀନ ବ୍ୟାଗ୍। ସବୁଠି &lsquo;ଆମେ ପଢ଼ିବୁ, ଗଢ଼ିବୁ, ଶ୍ରେଷ୍ଠ ହେବୁ&rsquo; ସ୍ଳୋଗାନ୍। ରାଜ୍ୟସ୍ତରୀୟ ଶିଶୁଦିବସ ସମାରୋହ ପାଳନ ପୂର୍ବରୁ କ୍ୟାପିଟାଲ୍ ହାଇସ୍କୁଲ ପଡ଼ିଆରେ ଥିଲା ଏମିତି କିଛି ଦୃଶ୍ୟ। ଲମ୍ବା ଲାଇନ୍&zwnj;ରେ ସଭାସ୍ଥଳରେ ପହଞ୍ଚି ଥିଲେ ଛାତ୍ରଛାତ୍ରୀ। ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଶପଥ ପାଠ କରିବା ପରେ ନବୀନ କହିଥିଲେ ମନର କଥା। ଏହାସହ ପରିବେଷଣ ହୋଇଥିଲା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ। ପିଲାମାନେ ବି ମୁଖ୍ୟମନ୍ତ୍ରୀଙ୍କୁ ପାଖରେ ପାଇ ତାଙ୍କ ସହ ଭାବ ବିନିମୟ କରିବା ସୁଯୋଗକୁ ହାତଛଡ଼ା କରିନଥିଲେ। ନବୀନ ବି ବେଶ୍ ଖୁସିର ସହ ଛୋଟଛୋଟ ପିଲାଙ୍କ ସହ କଥା ହେଉଥିବା ଦେଖିବାକୁ ମିଳିଥିଲା</p><p>&lt;a href=&quot;&quot;&gt;(image) &lt;/a&gt;ଶିଶୁଦିବସ ପାଇଁ ରାଜଧାନୀ ଭୁବନେଶ୍ୱରରେ କାର୍ଯ୍ୟକ୍ରମ ଯେତିକି ରଙ୍ଗୀନ ଥିଲା, ସେତିକି ଉତ୍ସାହର ସହ ରାଜ୍ୟର ଅନ୍ୟାନ୍ୟ ଅଞ୍ଚଳରେ ବି ଏହି ଉତ୍ସବ ପାଳନ କରାଯାଇଥିଲା। ବିଭିନ୍ନ ସ୍କୁଲରେ ରାଜ୍ୟସ୍ତରୀୟ ସମାରୋହର ସିଧାପ୍ରସାରଣ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା। ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକମାନେ ସାଉଁଟିଥିଲେ ନୂଆ ଅନୁଭୂତି।</p><p>ବାଲେଶ୍ୱରରୁ ବ୍ରହ୍ମପୁର, ପୁରୀରୁ ସମ୍ବଲପୁର ସବୁଠି ହଜାର ହଜାର ପିଲା ଶୁଣିଥିଲେ ମୁଖ୍ୟମନ୍ତ୍ରୀଙ୍କ ମନର କଥା। ମୁଖ୍ୟମନ୍ତ୍ରୀଙ୍କ ଅଭିଭାଷଣର ସିଧାପ୍ରସାରଣ ପାଇଁ ପଞ୍ଚାୟତ, ବ୍ଲକ୍ ଓ ଜିଲ୍ଲାସ୍ତରରେ ସମସ୍ତ ପ୍ରକାର ଆୟୋଜନ ହୋଇଥିଲା। ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକଙ୍କ ସହ ଏହି କାର୍ଯ୍ୟକ୍ରମରେ ଯୋଗଦେଇଥିଲେ ପ୍ରଶାସନିକ ଅଧିକାରୀ।</p><p>ଏହା ଭିତରେ ବି ପିଲାଏଁ ଭୁଲି ନଥିଲେ ଚାଚା ନେହେରୁଙ୍କୁ। ତାଙ୍କ ଫଟୋରେ ଶ୍ରଦ୍ଧାସୁମନ ଅର୍ପଣ କରିବା ସହ ଶିକ୍ଷକ ଶିକ୍ଷୟିତ୍ରୀଙ୍କ ଉପଦେଶ ଶୁଣିଥିଲେ। ବିଭିନ୍ନ ସ୍ଥାନରେ ନୃତ୍ୟ ଗୀତ ପରିବେଷଣ ସହ ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା।</p><p>https://www.youtube.com/watch?v=LT0WxFcB50E</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।