ଜିଦ୍‌ରେ ଅଟଳ ଏନ୍‌ଏଚ୍‌ଏମ୍‌ ଅଧୀନରେ କାର୍ଯ୍ୟରତ ଠିକା ନର୍ସ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ସପ୍ତାହେ ପୂରିଲା ଏନ୍&zwnj;ଏଚ୍&zwnj;ଏମ୍&zwnj; ଅଧୀନରେ କାର୍ଯ୍ୟରତ ଠିକା ନର୍ସଙ୍କ ଆନ୍ଦୋଳନ। ପ୍ରଥମେ ଦାବି ପୂରଣ ହେଉ, ତା&rsquo;ପରେ ରୋଗୀସେବା ଏଭଳି ଚେତାବନୀ ଦେଇ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଛନ୍ତି ନର୍ସିଂ କର୍ମଚାରୀ।&nbsp; ଲିଖିତ ପ୍ରତିଶ୍ରୁତି ନଦେଲେ ଆନ୍ଦୋଳନରୁ ହଟିବେ ନାହିଁ ବୋଲି କହିଛନ୍ତି ଆନ୍ଦୋଳନରତ ନର୍ସିଂ କର୍ମଚାରୀ।&nbsp; ସଂଘର ସଭାପତି ଏବଂ ସମ୍ପାଦିକା ଓହରିଯିବା ପରେ ଏବେ ନୂଆ କର୍ମକର୍ତ୍ତା ଚୟନ କରିବାକୁ ଯୋଜନା ଥିବା ଆନ୍ଦୋଳନକାରୀ କହିଛନ୍ତି। ୨୪ ଘଣ୍ଟା ଭିତରେ କାର୍ଯ୍ୟରେ ଯୋଗନଦେଲେ&nbsp; ଚୁକ୍ତି ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ଶୁଣାଇଛନ୍ତି ଏନ୍ଏଚ୍ଏମ୍ ପରିଚାଳନା ନିର୍ଦ୍ଦେଶିକା।</p> <p>ଜଣେ ଆନ୍ଦୋଳନରତ ନର୍ସ କହିଛନ୍ତି,&ldquo; ଯେ ପର୍ଯ୍ୟନ୍ତ ଆମକୁ ଲିଖିତ ପ୍ରତିଶ୍ରୁତି ନ ମିଳିଛି ଆମେ ରାଜ ରାସ୍ତାରୁ ହଟିବୁ ନାହିଁ। ରୋଗୀ ସେବା ବ୍ୟାହତ ହେଉଛି ହେଲେ ସରକାର ତାଙ୍କ ଜିଦ୍&zwnj;ରେ ଅଟଳ। ଆନ୍ଦୋଳନ ୭ ଦିନରେ ପହଞ୍ଚିଲାଣି, କୌଣସି ପ୍ରତିନିଧି ଆମକୁ ଦେଖା କରି ନାହାନ୍ତି।&rdquo;</p> <p>ସୂଚନାଯୋଗ୍ୟ, ଗତ ୬ ଦିନ ହେଲାଣି ସ୍ଥାୟୀ ନିଯୁକ୍ତି ଓ ଗ୍ରେଡ୍ ପେ ବୃଦ୍ଧି ଆଦି ପ୍ରମୁଖ ଦାବି କରି ଲୋୟର ପିଏମ୍&zwnj;ଜିରେ ଧାରଣାରେ ବସିଛନ୍ତି ଏନ୍&zwnj;ଏଚ୍&zwnj;ଏମ୍&zwnj; ଅଧୀନରେ କାର୍ଯ୍ୟରତ ଠିକା ନର୍ସ।</p>