ଚାକିରି ସ୍ଥାୟୀ ଓ ଦରମା ବଢ଼ାଇବା ଦାବିରେ ଠିକା ନର୍ସଙ୍କ ଆନ୍ଦୋଳନ

<p>କଟକ: ଚାକିରି ସ୍ଥାୟୀ କରିବା ଓ ଦରମା ବୃଦ୍ଧି ଦାବିରେ ଠିକା ନର୍ସଙ୍କ ଆନ୍ଦୋଳନ ଜାରି ରହିଛି। କଟକ ଏସ୍&zwnj;ସିବିରେ ନର୍ସମାନେ ମେଡିକାଲ ଅଧୀକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି। ଆଜିଠୁ ସେମାନେ ସଂପୂର୍ଣ୍ଣ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଛନ୍ତି । ଏଥିପାଇଁ ରୋଗୀ ସେବା ପ୍ରଭାବିତ ହୋଇଛି ।&nbsp; ଠିକା ଭାବେ ୬ ବର୍ଷ ହେଲାଣି କାମ କରୁଥିଲେ ମଧ୍ୟ ସେମାନଙ୍କ ଦାବି ପ୍ରତି ଅଣଦେଖା କରାଯାଉଥିବା ନର୍ସ ସଂଘ ଅଭିଯୋଗ କରିଛି।</p> <p>ଆନ୍ଦୋଳନରତ ନର୍ସମାନେ କହିଛନ୍ତି,&ldquo; ଆମେ ଦୁଇ ଦିନ ଧରି ଡ୍ୟୁଟି କରି ଧାରଣାରେ ବସିଛୁ କେବଳ ମେଡିକାଲ ଅଧୀକ୍ଷକଙ୍କୁ ଦେଖା କରିବାକୁ। ହେଲେ ସେ ଆମ କଥା କିଛି ବୁଝୁ ନାହାଁନ୍ତି। ଆଜି ଆନ୍ଦୋଳନର ତୃତୀୟ ଦିନ ହେଲାଣି କିନ୍ତୁ &nbsp;ଅଧୀକ୍ଷକଙ୍କ ଦେଖା ନାହିଁ। ଅକ୍ଷୀକ୍ଷକ ଆମ ସହିତ ଆଲୋଚନା ନ କଲା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ।&rdquo;</p> <p>ସେହିପରି ଆନ୍ଦୋଳନରତ ଆଉ ଜଣେ ନର୍ସ କହିଛନ୍ତି,&ldquo; ଆମର ଏହି ଦାବି ନେଇ ସରକାରଙ୍କୁ ବିଭିନ୍ନ ପର୍ଯ୍ୟାୟରେ ଜଣାଇଛୁ। ହେଲେ ଆମ ଦାବିକୁ କାହିଁକି ଅଣଦେଖା କରାଯାଉଛି ଆମେ ଜାଣିନୁ।&rdquo;</p> <p>ସମାନ ଦାବିରେ ବୁର୍ଲାରେ ବି ଠିକା ନର୍ସ ଆନ୍ଦୋଳନ ଚଳାଇଛନ୍ତି।&nbsp; ସେହିପରି ବ୍ରହ୍ମପୁରରେ ମଧ୍ୟ ନର୍ସମାନେ ଆନ୍ଦୋଳନକୁ ଓହ୍ଲାଇଛନ୍ତି।</p>