ରାଜ୍ୟରେ ୧୦ ଲକ୍ଷ ପାର୍ ହେଲା କରୋନା ଟେଷ୍ଟ

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟରେ ୧୦ ଲକ୍ଷ ପାର୍ ହେଲା କରୋନା ଟେଷ୍ଟ । ଗତକାଲି ରାଜ୍ୟରେ ଦିନକରେ ୫୦ ହଜାର ୫୨୫ ଟେଷ୍ଟିଂ କରାଯାଇଛି । ଏହାସହ ମୋଟ ଟେଷ୍ଟିଂ ସଂଖ୍ୟା ୧୦,୦୯୪୫୪ରେ ପହଞ୍ଚି ଯାଇଛି।

RTPCR, ଆଣ୍ଟିଜେନ୍ ଓ ଟ୍ରୁନଟ୍ ମାଧ୍ୟମରେ ସାମ୍ପଲ ପରୀକ୍ଷା କରାଯାଉଛି । ତେବେ RTPCRରେ ୫ ହଜାର ୧୦୬, ଆଣ୍ଟିଜେନ୍ ମାଧ୍ୟମରେ ୪୫ ହଜାର ୩୪୩, ଟ୍ରୁନଟ ଦ୍ୱାରା ୭୬ କରୋନା ଟେଷ୍ଟ  କରାଯାଇଥିଲା । ରାଜ୍ୟରେ ମୋଟ ଟେଷ୍ଟିଂ ସଂଖ୍ୟା ୧୦ ଲକ୍ଷ ଟପିଥିବା ସୂଚନା ଦେଇଛନ୍ତି ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ।

ସୂଚନାଯୋଗ୍ୟ, ରାଜ୍ୟରେ ସମୁଦାୟ କରୋନା ଆକ୍ରାନ୍ତଙ୍କ ସଂଖ୍ୟା ୬୪,୫୩୩ରେ ପହଞ୍ଚିଥିବା ବେଳେ ୪୩,୭୭୯ ଜଣ ସୁସ୍ଥ ହୋଇ ସାରିଲେଣି। ଏହାବ୍ୟତୀତ ରାଜ୍ୟରେ ଏବେ ୨୦,୩୩୯ ଆକ୍ଟିଭ କେସ୍‌ ଥିବା ବେଳେ ମୃତ୍ୟୁ ସଂଖ୍ୟା ୩୬୨ରେ ପହଞ୍ଚି ଯାଇଛି।