ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଆଠଗଡ଼/ଭୁବନେଶ୍ୱର: ପୁଣି ବଜ୍ରପାତ ନେଲା ୯ ଜୀବନ। ଆଠଗଡ଼ରେ ଏକ ସ୍କୁଲ ଉପରେ ବଜ୍ରପାତ ହେବାରୁ ୮ ଜଣ ଛାତ୍ର ଗୁରୁତର ଆହତ ହୋଇଛନ୍ତି। ସେମାନଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି। ସେହିପରି ରାଜ୍ୟର ବିଭିନ୍ନ ପ୍ରାନ୍ତରେ ହୋଇଥିବା ବଜ୍ରପାତରେ ଅନେକ ଆହତ ହୋଇଥିବା ଜଣାପଡ଼ିଛି।</p> <p>ଆଜି ରାସରସିକପୁର ୟୁଜିଏମ୍‌ଇ ସ୍କୁଲରେ ପାଠ ପଢ଼ା ଚାଲିଥିଲା। ହଠାତ ବଜ୍ରପାତ ହେବାରୁ ଶ୍ରେଣୀରେ ପାଠ ପଢ଼ୁଥିବା ୮ ଜଣ ପିଲା ଆହତ ହୋଇଥିଲେ। ସେମାନଙ୍କୁ ଆଠଗଡ଼ ଚିକିତ୍ସାଳୟରେ ଭର୍ତ୍ତି କରାଯାଇଛି। ସେହିପରି ବାଙ୍କୀ ଥାନା କଦଳୀମଡ଼ି ଗାଁର ସନ୍ତୋଷ ରାଉତ, ଦୋରଡ ଗାଁର ହାଡିବନ୍ଧୁ ସାହୁ ଓ ସଦର ଥାନା ମାଣିପୁର ଗାଁର ଅଶୋକ ବିଶ୍ୱାଳଙ୍କ ମୃତ୍ୟୁ ଘଟିଛି। ନିଶ୍ଚିନ୍ତକୋଇଲି ବ୍ଲକ ତେନ୍ତଲପୁରରେ ସ୍ୱାମୀ ମୃତ, ସ୍ତ୍ରୀ ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ତାଙ୍କୁ ମେଡ଼ିକାଲରେ ଭର୍ତ୍ତି କରିଛନ୍ତି।</p> <p>ଖୋର୍ଦ୍ଧା ଜିଲ୍ଲା ଝିଙ୍କିଝାରି ଗାଁରେ ୧୪ ବର୍ଷ ବାଳକର ବଜ୍ରପାତରେ ମୃତ୍ୟୁ ଘଟିଥିବା ବେଳେ ମୟୂରଭଞ୍ଜ ଜିଲ୍ଲା ବଡ଼ସାହି ବ୍ଲକ ଆରପଟା ଗାଁର ଜଣଙ୍କର ମୃତ୍ୟୁ ହୋଇଛି।</p> <p>ଦେବଗଡ଼ ଜିଲ୍ଲା ଟାଇଁସର ନିକଟରେ ଶିକ୍ଷକ ଜଣକ ଘରକୁ ଫେରୁଥିବା ବେଳେ ବଜ୍ରପାତ ହୋଇଥିଲା। ଫଳରେ ତାଙ୍କର ମୃତ୍ୟୁ ଘଟିଥିଲା। ସେହିପରି ଭୁବନେଶ୍ୱର ଧଉଳି ନିକଟ ଜୟପୁରପାଟଣା ଗାଁର ଜଣେ ଯୁବତୀଙ୍କର ବଜ୍ରପାତରେ ମୃତ୍ୟୁ ଘଟିଛି।</p> <p>ଗତକାଲି ବଜ୍ରପାତର ରାଜ୍ୟର ବିଭିନ୍ନ ଜିଲ୍ଲାରେ ୧୮ ଜଣଙ୍କ ମୃତ୍ୟୁ ଘଟିଥିଲା। ଅନେକ ଆହତ ମଧ୍ୟ ହୋଇଥିଲେ। ଏପରିକି ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ମୁଖ୍ୟମନ୍ତ୍ରୀ ଘୋଷଣା କରିଥିଲେ।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
