ଓଡ଼ିଶା ଉପକୂଳ ଅତିକ୍ରମ କଲା ‘ଡାଏ’: ସାଢ଼େ ୮ଟା ଯାଏ ୯ ଜିଲ୍ଲାକୁ ରେଡ୍ ୱାର୍ଣ୍ଣିଂ ଜାରି

ଭୁବନେଶ୍ୱର(ଓଡ଼ିଶା ରିପୋର୍ଟର): ସାମୁଦ୍ରିକ ଝଡ଼ ‘ଡାଏ’ ଓଡ଼ିଶା ଉପକୂଳ ଅତିକ୍ରମ କରିଛି। ରାତି ପ୍ରାୟ ସାଢ଼େ ୧୨ଟାରୁ ଗୋଟାଏ ୩୦ ମିନିଟ୍‌ ମଧ୍ୟରେ ଦକ୍ଷିଣ ଓଡ଼ିଶା ଏବଂ ଉତ୍ତର ଆନ୍ଧ୍ରପ୍ରଦେଶ ଦେଇ ଏହି ସାମୁଦ୍ରିକ ଝଡ଼ ସ୍ଥଳ ଭାଗକୁ ଅତିକ୍ରମ କରିଛି। ପଶ୍ଚିମ-ଉତ୍ତର ଦିଗରେ ଗତି କରି ଏହା ପଶ୍ଚିମମୁହାଁ ହୋଇଛି।

ଏହା ବର୍ତ୍ତମାନ ଗୋପାଳପୁରଠାରୁ ପଶ୍ଚିମମୁଖା ହୋଇ ଗୋପାଳପୁରଠାରୁ ୪୦ କିଲୋମିଟର ଏବଂ ଭବାନୀପାଟଣାଠାରୁ ୧୫୦ କିଲୋମିଟର ଦୂରରେ ରହିଛି। ସ୍ଥଳଭାଗକୁ ଛୁଇଁଲା ପରେ ଏହା କ୍ରମଶଃ ଧୀରେ ଧୀରେ ଦୁର୍ବଳ ହେବ ବୋଲି ପାଣିପାଗ ବିଭାଗ ସୂଚନା ଦେଇଛି।

ସକାଳ ସାଢ଼େ ୮ଟା ମଧ୍ୟରେ ୯ ଜିଲ୍ଲାରେ ପାଣିପାଗ ବିଭାଗ ରେଡ୍ ୱାର୍ଣ୍ଣିଂ ଜାରି କରିଛି। ଏହି ସବୁ ଜିଲ୍ଲା ଗୁଡ଼ିକ ହେଲା- ଗଜପତି, ଗଞ୍ଜାମ, ପୁରୀ, ରାୟଗଡ଼ା, କଳାହାଣ୍ଡି, କନ୍ଧମାଳ, କୋରାପୁଟ, ମାଲକାନଗିରି ଏବଂ ନବରଙ୍ଗପୁର।

ଏହାସହ ନୂଆପଡ଼ା, ବଲାଙ୍ଗିର, ବୌଦ୍ଧ, ସୋନପୁର, ଖୋର୍ଦ୍ଧା, ନୟାଗଡ଼, କଟକ, ଜଗତସିଂହପୁର, କେନ୍ଦ୍ରାପଡ଼ା, ଜାଜପୁର, ଭଦ୍ରକ, ବାଲେଶ୍ୱର ଓ କେନ୍ଦୁଝର ଜିଲ୍ଲାରେ ପାଣିପାଗ ବିଭାଗ ଅରେଞ୍ଜ ୱାର୍ଣ୍ଣିଂ ଜାରି କରିଛି।

ସାମୁଦ୍ରିକ ଝଡ଼ ‘ଡାଏ’ର ପ୍ରଭାବରେ ଏହି ସବୁ ଜିଲ୍ଲା ଗୁଡ଼ିକରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ବିଭାଗ ପୂର୍ବାନୁମାନ କରିଛି। ତେବେ ଧୀରେ ଧୀରେ ପବନ ବେଗ ହ୍ରାସ ପାଇବ। ଆସନ୍ତା ୧୨ ଘଣ୍ଟା ମଧ୍ୟରେ ପବନର ବେଗ ଘଣ୍ଟାପ୍ରତି ୩୦ରୁ ୪୦ କିଲୋମିଟର ରହିବ।

ଏହାକୁ ଦୃଷ୍ଟିରେ ରଖି ପୁରୀ ଓ ଗୋପାଳପୁର ବନ୍ଦରରେ ୭ ନମ୍ବର ବିପଦ ସଂକେତ ଜାରି କରାଯାଇଛି। ଚାନ୍ଦବାଲି ଓ ପାରାଦୀପ ବନ୍ଦରରେ ୬ ନମ୍ବର ବିପଦ ସଂକେତ ଜାରି କରାଯାଇଛି। ଏହି ସମୟରେ ସମୁଦ୍ର ଅଶାନ୍ତ ରହିବ। ତେଣୁ ସମୁଦ୍ର ମଧ୍ୟକୁ ନଯିବାକୁ ମତ୍ସ୍ୟଜୀବୀଙ୍କୁ ପରାମର୍ଶ ଦିଆଯାଇଛି।

ଆହୁରି ପଢ଼ନ୍ତୁ

କମେଣ୍ଟ ମରାକୁ ନେଇ ଗାଁରେ ଫୁଟିଲା ବୋମା

ବିଏମ୍‌ସି ପକ୍ଷରୁ ଏତଲା ଦିଆଯିବା ପରେ କ୍ୟାପିଟାଲ ଥାନାରେ ହାଜର ହେଲେ ଓଟିଭି କର୍ତ୍ତୃପକ୍ଷ

ଆଜି ମହାପ୍ରଭୁଙ୍କ ରାହୁରେଖା ଲାଗି ନୀତି

ଆଜିଠୁ ଗଞ୍ଜାମରେ ପୁଣି ହେଲ୍‌ଥ ସ୍କ୍ରିନିଂ

ଗର୍ଭବତୀ ହଟହଟା; ଅଲଟ୍ରା ସାଉଣ୍ଡ ପୂର୍ବରୁ ଡାକ୍ତର ମାଗୁଛନ୍ତି କୋଭିଡ ରିପୋର୍ଟ

କାଲି ପରି ଆଜି ବି ଆଖି ବୁଜିଲେ ୧୨ ଆକ୍ରାନ୍ତ

ରାଜ୍ୟରେ ଚିହ୍ନଟ ହେଲେ ୧୬୪୩ ପଜିଟିଭ: ଖୋର୍ଦ୍ଧା ଓ ଗଞ୍ଜାମରେ ସଂଖ୍ୟା ସମାନ

ଶୁଣିଲେନି ଡାକ୍ତର, ନର୍ସ; ଆଖି ବୁଜିଲା ନବଜାତ ଶିଶୁ

ଡାକ୍ତର ଓ ଡ୍ରାଇଭରଙ୍କୁ କରୋନା ପରେ ମେଡିକାଲ ଓପିଡି ବନ୍ଦ

ଜବତ ଗାଡ଼ି ଖତ ହେଉଛି; ଅସନ୍ତୋଷ ବ୍ୟକ୍ତ କଲେ ହାଇକୋର୍ଟ

ଖୋଲିଲା ହୀରାକୁଦ ଡ୍ୟାମ୍‌ ଗେଟ୍

‘ହୋମ୍‌ କ୍ୱାରେଣ୍ଟାଇନ୍ ଷ୍ଟାମ୍ପ ବାଜିବା ପରେ ଆରମ୍ଭ ହେଲା ଅସହ୍ୟ ଯନ୍ତ୍ରଣା’