ଯାଜପୁର (ସଞ୍ଜିବ ନାୟକ): ସୀମା ଟପିଲା ବର୍ବରତା। ଜନ୍ମ କଲା ମା'କୁ ଭୁଲିଗଲା ପୁଅ। ତା' ସହ ଶାଶୂ ଉପରେ ଅକଥନୀୟ ଅତ୍ୟାଚାର କଲା ବୋହୂ। ବଞ୍ଚି ଥାଉ ଥାଉ ଶାଶୂକୁ ଇଟାରେ ପୋତିଦେଲା ବୋହୂ। ଯନ୍ତ୍ରଣାରେ ଛଟପଟ ହେଉଥିଲେ ବି ବୋହୂ କିଛି ଶୁଣିଲାନି। ଶାଶୂ ଉପରେ ବାରମ୍ବାର ଇଟା ଉପରେ ଇଟା ଲଦି ଚାଲିଲା। କାନ୍ଦି କାନ୍ଦି ବୃଦ୍ଧା ଜଣଙ୍କ ନୟାନ୍ତ ହେଲେ ମଧ୍ୟ ପୁଅ ବି ପାଖ ମାଡ଼ିଲାନି।
ଜମିବାଡ଼ି ବିବାଦକୁ କେନ୍ଦ୍ର କରି ଦଶରଥପୁର ବ୍ଲକ ଦତ୍ତପୁର ପଞ୍ଚାୟତରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା। ଯାହା ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଘଟଣା ଏବେ ମୋବାଇଲ୍ରୁ ମୋବାଇଲ ଘୁରି ବୁଲୁଛି।
ଦତ୍ତପୁର ଗାଁର ମାଟିରାଣୀ ବେହେରା। ତାଙ୍କର ୪ ପୁଅ ଓ ୪ ବୋହୂ। ତେବେ ତାଙ୍କ ଘରେ କିଛି ଦିନ ହେବ ଜମିବାଡ଼ିକୁ ନେଇ ପାରିବାରିକ କଳହ ଲାଗିଥିଲା। ଭାଇ ଭାଇ ମଧ୍ୟରେ ହୋଇଥିଲା ଝଗଡ଼ା। ଶେଷରେ ରାଗି ଯାଇ ସ୍ତ୍ରୀ ସହ ମିଶି ପୁଅ ଜନ୍ମ କଲା ମା' ଉପରେ ସବୁ ରାଗ ସୁଝାଇଥିବା ଜଣାପଡ଼ିଛି। ଏନେଇ ମଙ୍ଗଳପୁର ଥାନାରେ ଅଭିଯୋଗ ହୋଇଛି। ପୁଲିସ ମାମଲାର ତଦନ୍ତ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
