ବାଲିଗୁଡ଼ା(ଓଡ଼ିଶା ରିପୋର୍ଟର):ଲଗାଣ ବର୍ଷାରେ ଭାସିଗଲେ ବାପ-ପୁଅ। ଗତ ୬ ତାରିଖରେ କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ ବିଲାମାଳ ପଂଚାୟତର ମାଣ୍ଡିମାସ୍କା ଗାଁର ବାପା ଦୀନ ମାଝୀ ଓ ନିଜ ପୁଅ ପୁରେନ୍ଦ୍ର ମାଝି ବନ୍ୟାଜଳରେ ଭାସିଯାଇ ଥିଲେ। ତେବେ ପୁଅର ମୃତ ଦେହ ଉଦ୍ଧାର କରାଯାଇଥିବା ବେଳେ ବାପା ନିଖୋଜ୍ ଅଛନ୍ତି। ଗତ ୬ ତାରିଖରେ ଉଭୟ ବାପ-ପୁଅ ଚାଷ କାମ ସାରି ଘରକୁ ଫେରୁଥିଲେ।
ଏହି ସମୟରେ ପ୍ରବଳ ବର୍ଷା ପାଣିରେ ଭାସି ଯାଇ ନିଖୋଜ ହୋଇଥିଲେ। ଏ ନେଇ ବେଲଘର ଥାନାରେ ଅଭିଯୋଗ ହୋଇଥିଲେ ମଧ୍ୟ ଉଭୟଙ୍କର କୌଣସି ପତ୍ତା ମିଳିନ ଥିଲା। ୩ ଦିନ ପରେ ନିଖୋଜ ପୁଅ ପୁରେନ୍ଦ୍ର ମାଝୀର ଗଳିତ ଶବକୁ ଆଜି କନ୍ଧମାଳ ଓ ରାୟଗଡା ସୀମାନ୍ତ ଏକ ନାଳରୁ ଉଦ୍ଧାର କରାଯାଇଛି । କିନ୍ତୁ ବାପା ଦିନ ମାଝିଙ୍କର କୌଣସି ସନ୍ଧାନ ମିଳିନଥିବା ବେଲଘର ଥାନା ତରଫରୁ କୁହାଯାଇଛି ।