ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ: ଗିରଫ ଭୟରେ ହାଇକୋର୍ଟଙ୍କ ଦ୍ୱାରସ୍ଥ ହେଲେ କୋଟିପତି ଡାକ୍ତର ରବୀନ୍ଦ୍ର ଜେନା। ଗତକାଲି ଡାକ୍ତର ଜେନା ହାଇକୋର୍ଟଙ୍କ ନିକଟରେ ଆଗୁଆ ଜାମିନ ଆବେଦନ କରିଛନ୍ତି। ଭିଜିଲାନ୍ସ ଜାଲରେ ଧରାପଡ଼ିଥିବା ଏସ୍‌ସିବି ମେଡିକାଲ କଲେଜର ଡାକ୍ତର ରବୀନ୍ଦ୍ର ଜେନାଙ୍କ ଅଚଳାଅଚଳ ସମ୍ପତ୍ତି ଥିବା ନେଇ ଭିଜିଲାନ୍ସ ସୂଚନା ଦେଇଥିଲା। ଦୁଇଦିନ ଧରି ରେଡ ପରେ କଟକ ବଜ୍ରକବାଟୀ ସ୍ଥିତ ୟୁକୋ ବ୍ୟାଙ୍କ ଶାଖାରେ ଡାକ୍ତର ରବୀନ୍ଦ୍ର ଜେନା ଓ ପତ୍ନୀଙ୍କ ନାଁରେ ଥିବା ଜଏଣ୍ଟ ଲକରକୁ ଭିଜିଲାନ୍ସ ଯାଞ୍ଚ କରିଥିଲା। ଏଥିରେ ୪୦୦ ଗ୍ରାମରୁ ଅଧିକ ସୁନା ଏବଂ ହୀରା ଅଳଙ୍କାର ଠାବ ହୋଇଥିଲା। ଯାହାର ଆନୁମାନିକ ମୂଲ୍ୟ ୧୨ ଲକ୍ଷ ଟଙ୍କା ହେବ।</p> <p>ଏସ୍‌ସିବି କଲେଜ ଡିନ୍‌ଙ୍କ ଠାରୁ ମିଳିଥିବା ତଥ୍ୟ ଅନୁସାରେ, ରବୀନ୍ଦ୍ର ଜେନା ନିଜ ଖର୍ଚ୍ଚରେ ୟୁରୋପ, ଆମେରିକା ଓ ଦକ୍ଷିଣ ଏସିଆର ପ୍ରାୟ ୨୦ରୁ ଅଧିକ ଥର ବିଭିନ୍ନ ଦେଶ ପରିଭ୍ରମଣ କରିଛନ୍ତି। ରାଜ୍ୟ ସରକାରଙ୍କ ଅନୁମତି ନଥିବା ସତ୍ତ୍ୱେ ସେ ଏସବୁ ସହର ଭ୍ରମଣ କରିଥିବା ଭିଜିଲାନସ ଅନୁସନ୍ଧାନର ସ୍ପଷ୍ଟ ହୋଇଛି। ପାସପୋର୍ଟ ଓ ଇମିଗ୍ରେସନ କର୍ତ୍ତୃପକ୍ଷଙ୍କୁ ଡାକ୍ତର ରବୀନ୍ଦ୍ର ଜେନାଙ୍କ ବିଦେଶ ଗସ୍ତର ରିପୋର୍ଟ ମଗାଯାଇଛି। ଡାକ୍ତର ଜେନାଙ୍କ ଏହି ବିଦେଶ ଗସ୍ତ ନିଜ ଖର୍ଚ୍ଚରେ ଯାଇଛନ୍ତି ନା କୌଣସି ଔଷଧ କମ୍ପାନୀ ଏହି ଖର୍ଚ୍ଚ ବହନ କରିଛି, ସେନେଇ ତଦନ୍ତ ଜାରି ରହିଛି।</p> <p>ସୂଚନାଯୋଗ୍ୟ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ତିନି ଦିନ ତଳେ ରବୀନ୍ଦ୍ର ଜେନାଙ୍କ ଘର ସମେତ ୧୨ଟି ସ୍ଥାନରେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଥିଲା। ରବୀନ୍ଦ୍ରଙ୍କ ୩କୋଟିରୁ ଅଧିକ ଟଙ୍କା ମୂଲ୍ୟର ସମ୍ପତ୍ତି ଥିବା ଆକଳନ କରିଥିଲା ଭିଜିଲାନ୍ସ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
