ଆସୁଛି ଝଡ଼ବାତ୍ୟା! ଆସନ୍ତାକାଲି ଖୋର୍ଦ୍ଧାର ସରକାରୀ ଛୁଟି ବାତିଲ

ଭୁବନେଶ୍ୱର (ଓଡ଼ିଶା ରିପୋର୍ଟର): ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଡିପ୍‌ ଡିପ୍ରେସନ୍‌ରେ ପରିଣତ ହୋଇଛି। ଧୀରେ ଧୀରେ ଏହା ଝଡ଼ବାତ୍ୟାର ରୂପ ନେଉଛି। ଆସନ୍ନ ଝଡ଼ବାତ୍ୟାକୁ ନେଇ ରାଜ୍ୟ ସରକାରଙ୍କ ପକ୍ଷରୁ ପ୍ରଭାବିତ ଜିଲ୍ଲାର ଜିଲ୍ଲାପାଳମାନଙ୍କୁ ସତର୍କ ଜାରି କରାଯାଇଛି।

ତେବେ ଆସନ୍ତାକାଲି ମହମ୍ମଦ ଜୟନ୍ତୀ ଉପଲକ୍ଷେ ଥିବା ସରକାରୀ ଛୁଟି ଖୋର୍ଦ୍ଧା ଜିଲ୍ଲା ପାଇଁ ବାତିଲ କରାଯାଇଛି। ପ୍ରବଳ ବର୍ଷା ଥିବା ସମ୍ଭାବନା ଦୃଷ୍ଟିରୁ ଖୋର୍ଦ୍ଧା ଜିଲ୍ଲାପାଳ ନିର୍ମଳ ଚନ୍ଦ୍ର ମିଶ୍ର  ଏହି ନିଷ୍ପତି ନେଇଛନ୍ତି। କୌଣସି ପରିସ୍ଥିତିରେ ବି ଅନୁପସ୍ଥିତ ନ ରହିବାକୁ କର୍ମଚାରୀଙ୍କୁ ନିର୍ଦ୍ଦେଶ ଜାରି କରାଯାଇଛି। ଆଜି ମଧ୍ୟରାତ୍ରରେ ଆସନ୍ନ ଝଡ଼ବାତ୍ୟା ଗୋପାଳପୁର ନିକଟରେ ସ୍ଥଳଭାଗ ଛୁଇଁବାର ସମ୍ଭାବନା ରହିଛି।

ଆସନ୍ନ ଝଡ଼ବାତ୍ୟା ନେଇ ମୁଖ୍ୟ ଶାସନ ସଚିବ ସୂଚନା ମଧ୍ୟ ଦେଇଛନ୍ତି। ସେ କହିଛନ୍ତି ଯେ, ଡିପ୍ ଡିପ୍ରେସନ ଝଡ଼ବାତ୍ୟାରେ ରୂପାନ୍ତରିତ ହେବ। ଆଜି ମଧ୍ୟରାତ୍ରରେ ଗୋପାଳପୁର ନିକଟରେ ସ୍ଥଳଭାଗ ଛୁଇଁବା ସହ ପବନ ବେଗ ବଢ଼ିବ। ୬୦ରୁ ୮୦ କିମି ମଧ୍ୟରେ ପବନ ବହିବ। ଏଥିରେ  ଗଞ୍ଜାମ, ଗଜପତି, ପୁରୀ, ନୟାଗଡ଼, ଖୋର୍ଦ୍ଧା ପ୍ରଭାବିତ ହେବ।  ତଳିଆ ଅଞ୍ଚଳର ଲୋକଙ୍କୁ ଆବଶ୍ୟକ ହେଲେ ସ୍ଥାନାନ୍ତର କରାଯିବ ବୋଲି ସେ କହିଛନ୍ତି।

ଏଥିପାଇଁ ପାଇଁ ଜିଲ୍ଲାପାଳମାନଙ୍କୁ ଦାୟିତ୍ୱ ଦିଆଯାଇଛି। ସେହିପରି ବିଦ୍ୟୁତ୍‌, ଜଳ ଯୋଗାଣ ଆଦି ବିଭାଗକୁ ଆଲର୍ଟ କରାଯାଇଛି। ତେବେ ଏହା ବଡ଼ ଧରଣର ବାତ୍ୟା ନୁହେଁ ବୋଲି ମୁଖ୍ୟ ଶାସନ ସଚିବ ଆଦିତ୍ୟ ପାଢ଼ି କହିଛନ୍ତି। ଏହି ସମୟରେ ସମୁଦ୍ର ଅଶାନ୍ତ ରହିବ। ତେଣୁ ମତ୍ସ୍ୟଜୀବୀମାନଙ୍କୁ ସମୁଦ୍ର ଯିବାକୁ ମନା କରାଯାଇଛି। ଓଡ଼ିଶାର ସବୁ ବନ୍ଦରରେ ୩ ନମ୍ବର ସତର୍କ ସଂକେତ ଜାରି କରାଯାଇଛି।

ଆହୁରି ପଢ଼ନ୍ତୁ

ବାତ୍ୟା ଗାଜା ପାଇଁ ଅଟକିଲା ଇସ୍ରୋର ସାଟେଲାଇଟ୍‌ ଲଞ୍ଚ !

ଏହି ରାଶିର ବ୍ୟକ୍ତି ଦାମୀ ପୋଷାକ ପିନ୍ଧିଥାନ୍ତି

ମହିଳାଙ୍କ ତୁଳନାରେ ପୁରୁଷଙ୍କ ମସ୍ତିଷ୍କ କେତେ ବଡ଼ ?

ଓଡ଼ିଆ ସାହିତ୍ୟକୁ ଡିଜିଟାଇଜ୍ କରି ଲୋକପ୍ରିୟ କରାଇବାକୁ ପ୍ରତିଷ୍ଠିତ ‘ଓଡ଼ିଆ ଭର୍ଚୁଆଲ ଏକାଡେମୀ’ ଉନ୍ମୋଚିତ

ଏଥର ପର୍ବପର୍ବାଣୀରେ ତିଆରି କରନ୍ତୁ ସେଓ ରାବିଡ଼ି

ବଧୂବେଶରେ ବିସ୍ଫୋରକ ବୟାନ: ରାକ୍ଷୀ କହିଲେ ବାରବର୍ଷ ପୂର୍ବେ ତନୁଶ୍ରୀ ମତେ ବାରମ୍ବାର ଦୁଷ୍କର୍ମ କରିଥିଲେ

ନ୍ୟାୟପାଳିକାର ଅଚଳାବସ୍ଥା ଦୂର ପାଇଁ ମୁଖ୍ୟମନ୍ତ୍ରୀ ହସ୍ତକ୍ଷେପ କରନ୍ତୁ, ଅପିଲ କଲେ ଧର୍ମେନ୍ଦ୍ର

ଦୀପାବଳି ଅଫର ଘୋଷଣା କଲା Xiaomi କମ୍ପାନୀ: ୧ ଟଙ୍କାରେ ପାଇବେ ୨୧ ହଜାର ଟଙ୍କା ମୂଲ୍ୟର ଫୋନ୍‌

ଏମିତି ଥିଲା ଯାତ୍ରା ଜଗତର ହିଟ୍ ଯୋଡ଼ି ‘ରତି-ମିଟୁନା’ଙ୍କ ପ୍ରେମ କାହାଣୀ

ବିନା ହେଲ୍‌ମେଟରେ କେନ୍ଦ୍ରମନ୍ତ୍ରୀ: ଧର୍ମେନ୍ଦ୍ରଙ୍କୁ ସମାଲୋଚନା କରି ଫସିଗଲେ ବିଜେଡି ମୁଖପାତ୍ର

ଫୁଲୁଛି ନଦୀ: ଉତ୍ତର ଓଡ଼ିଶାରେ ସ୍ଥିତି ସଙ୍ଗୀନ

ତିତ୍‌ଲି: ବନ୍ୟା ଯୋଗୁ ସ୍ୱାମୀ,ସ୍ତ୍ରୀ ଏବଂ ପୁଅ-ବୋହୂ ଭାସିଗଲେ