ପ୍ରଚାର ଶେଷ, ୨୪ରେ ଭୋଟ୍‌

<p>ବରଗଡ଼( ଓଡ଼ିଶା ରିପୋର୍ଟର): ଛକାପଞ୍ଝା, ଆରୋପ ପ୍ରତ୍ୟାରୋପ ମଧ୍ୟରେ ସରିଲା ବିଜେପୁର ଉପନିର୍ବାଚନ ପାଇଁ ପ୍ରଚାର। ଅନ୍ତିମ ଦିନରେ ନା ଦେଖିବାକୁ ମିଳିଥିଲା ହେଭିୱେଟଙ୍କ ହାଇଭୋଲଟେଜ କ୍ୟାମ୍ପେନ୍ ନା ଥିଲା ମଞ୍ଚରେ ବୟାନବାଜି। ଆଜି କେବଳ ଡୋର୍-ଟୁ-ଡୋର୍ କ୍ୟାମ୍ପେନକୁ ଗୁରୁତ୍ୱ ଦେଇ ଭୋଟ୍ ଭିକ୍ଷା କରିଥିଲେ ୩ ପ୍ରମୁଖ ଦଳର ନେତା ଓ କର୍ମୀମାନେ। &nbsp;ବିଜେଡିର ପ୍ରଚାର ମୈଦାନରେ ଆଜି ଦେଖିବାକୁ ମିଳିଥିଲା ଦଳୀୟ ନେତା ସଂଜୟ ଦାସବର୍ମା ଓ ଅତନୁ ସବ୍ୟସାଚୀ ନାୟକଙ୍କୁ। ପ୍ରାର୍ଥୀ ରୀତା ସାହୁଙ୍କ ପାଇଁ ଘରକୁ ଘର ଯାଇ ଭୋଟ୍ ଭିକ୍ଷା କରିଥିଲେ ଏହି ଦୁଇ ନେତା। ବରପାଲିରେ ବିଜେପି ପ୍ରଚାରରେ କିନ୍ତୁ ଦଳୀୟ ନେତାଙ୍କ ସ୍ଥାନରେ ଫାଇନାଲ୍ ଟଚ୍ ଦେଉଥିଲେ ଅଭିନେତ୍ରୀ ଅନୁ ଚୌଧୁରୀ, ଅପରାଜିତା ମହାନ୍ତି, ଅଭିନେତା ମିହିର ଦାସ ଓ ହରିହର ମହାପାତ୍ର। ସେମାନେ ମଧ୍ୟ ବରପାଲିରେ ପ୍ରଚାର କରିଥିଲେ। ଗାଇସିଲାଟ ଗାଁରେ ପ୍ରଚାରର ମୁଣ୍ଡି ମାରିଥିଲା କଂଗ୍ରେସ। ଗାଁରେ ସଭା କରି ଭୋଟରଙ୍କୁ ଅକୃଷ୍ଟ କରିବାକୁ ଉଦ୍ୟମ କରିଥିଲେ ଦଳର ବରିଷ୍ଠ ନେତା। ବିରୋଧୀ ଦଳ ନେତା ନରସିଂହ ମିଶ୍ର ଓ &nbsp;ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି ପ୍ରମୁଖ ଦଳୀୟ ପ୍ରାର୍ଥୀ ପ୍ରଣୟ ସାହୁଙ୍କ ପାଇଁ ଭୋଟ ମାଗିଥିଲେ ଗାଇସିଲାଟ ଗାଁରେ।</p> <p>&lt;span style=&quot;color: #ff0000;&quot;&gt;ବୁଥ ମୁହାଁ ହେଲେ ପୋଲିଂ ପାର୍ଟି&lt;/span&gt;</p> <p>ପ୍ରଚାର ସରିଥିବା ବେଳେ ପ୍ରଶାସନ ପକ୍ଷରୁ ବୁଥକୁ କର୍ମଚାରୀ ଓ ସରଞ୍ଜାମ ପଠାଇବା ପ୍ରକ୍ରିୟା ଆରମ୍ଭ ହୋଇଯାଇଛି। ଭୋଟଗ୍ରହଣ ପାଇଁ ଭିଭିପ୍ୟାଟ୍ ମେସିନ ସହ ଇଭିଏମ୍, ଲଣ୍ଠନ ସମସ୍ତ ସରଞ୍ଜାମ ଧରି ବୁଥକୁ ଯାଉଛନ୍ତି ପୋଲିଂ ପାର୍ଟି। ପ୍ରତି ଟିମ୍&zwnj;ରେ ରହିଛନ୍ତି ଜଣେ ପ୍ରିଜାଇଡ଼ିଂ ଅଫିସର, ୪ ପୋଲିଂ ଅଫିସର ଓ ଜଣେ ପୋଲିସ କର୍ମଚାରୀ। ଯେଉଁ ୧୧ଟି ସ୍କୁଲରେ ମାଟ୍ରିକ୍ ପରୀକ୍ଷା କେନ୍ଦ୍ର ହେବା ସହ ପୋଲିଂ ବୁଥ୍ ହୋଇଛି ସେଠାକୁ ଆସନ୍ତାକାଲି ପରୀକ୍ଷା ସରିବା ପରେ ପୋଲିଂ ପାର୍ଟି ଯିବେ। ବିଜେପୁର ନିର୍ବାଚନ ମଣ୍ଡଳୀରେ ପୂର୍ବରୁ ୨୭୦ଟି ବୁଥ୍ ଥିବା ବେଳେ ଏହାକୁ ୨୮୧କୁ ବୃଦ୍ଧି କରାଯାଇଛି। ସେଥିମଧ୍ୟରୁ ୧୫୫ଟିକୁ କ୍ରିଟିକାଲ୍ ବୁଥ୍ ଭାବେ ଚିହ୍ନଟ କରାଯାଇଛି। ୨୦ଟି ବୁଥରେ ସିସିଟିଭି ଲାଗିବା ସହ ୪୦ଟି ବୁଥରେ ରହିବେ ମାଇକ୍ରୋ ଅବଜରଭର୍। ନିର୍ବାଚନ ସମୟରେ ଫଟୋଗ୍ରାଫି ଓ ଭିଡିଓଗ୍ରାଫି୍ ମଧ୍ୟ କରାଯିବ ବୋଲି ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି। ପ୍ରଥମ ଥର ପାଇଁ ବିଜେପୁରରେ ବ୍ୟବହାର ହେବ ଭିଭିପାଟ୍ ମେସିନ୍।</p> <p>ଆସନ୍ତା ଶନିବାର ଭୋଟଗ୍ରହଣ ପରେ ୨୮ରେ ଗଣତି ହୋଇ ଫଳାଫଳ ପ୍ରକାଶ କରାଯିବ।</p>