ଗାଁରେ ହାତୀ ଆତଙ୍କ

କେନ୍ଦୁଝର:(ଓଡ଼ିଶା ରିପୋର୍ଟର):କେନ୍ଦୁଝର ଜିଲ୍ଲା ଚମ୍ପୁଆ ଅଞ୍ଚଳରେ ଥିବା ଭୂୟାଁ ଜୁଆଙ୍ଗପୀଢ଼ ରେଞ୍ଜରେ ହାତୀ ଆତଙ୍କ ଦେଖିବାକୁ ମିଳିଛି। ହାତୀ ଚାଷ ଜମିରେ ପଶି କ୍ଷୟକ୍ଷତି କରିବା ସହିତ ଲୋକଙ୍କ ଘରକୁ ଭାଙ୍ଗି ଦେଇଛନ୍ତି।

ଗତକାଲି ପଦ୍ମପୁର ଓ ବାମେବାରୀ ଅଞ୍ଚଳକୁ ପ୍ରାୟ ୩୬ଟି ହାତୀ ପଶି ଫସଲ ଏବଂ କଟା ଯାଇଥିବା ଧାନ ବିଡ଼ାକୁ ନଷ୍ଟ କରିଛନ୍ତି। ସେହିପରି ହାତୀ ଜମିରୀଡିହି ଗାଁରେ ପଶି କିଛି ସ୍କୁଲ ଘର ଭାଙ୍ଗି ଦେଇଛନ୍ତି।

ଏହିପରିଉ ୩ ହେବ ଗୋଟିଏ ଦନ୍ତା ହାତୀ ଉତ୍ପାତ ଜାରି ରହିଥିବାରୁ ନିକଟସ୍ଥ ଗାଁ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି। ହାତୀମାନେ ଦିନସାରା ଜଙ୍ଗଲରେ ରହୁଛନ୍ତି କିନ୍ତୁ ସଂନ୍ଧ୍ୟା ହେଲେ ଗାଁ ମୁହାଁ ହେଉଛନ୍ତି।

ଏଥିପାଇଁ ଲୋକଙ୍କ ମଧ୍ୟର ଅସନ୍ତୋଷ ପ୍ରକାଶ ପାଇଛି। ଏବେ ହାତୀ ପଲ ବୈତରଣୀ ନଦୀ ପାର ହୋଇ ମୟୂରଭଞ୍ଜ ଜିଲ୍ଲା ସିଙ୍ଗିଡା ନିକଟ ହଳଦିଆ ନିକଟରେ ଥିବା ଜଣାପଡ଼ିଛ। ହାତୀ ପଲକୁ ଘଉଡାଇବାକୁ ବନ ବିଭାଗ କର୍ମଚାରୀ ଉଦ୍ୟମ ଜାରି ରଖିଛନ୍ତି।