ଆଜି ନବୀନଙ୍କ ଦଳରେ ମିଶିବେ ନବ!

ଭୁବନେଶ୍ୱର(ଓଡ଼ିଶା ରିପୋର୍ଟର): ଆଜି ବିଜେଡିରେ ଯୋଗ ଦେଇପାରନ୍ତି ଝାରସୁଗୁଡ଼ା ବିଧାୟକ ନବ ଦାସ। ଆଜି ମୁଖ୍ୟମନ୍ତ୍ରୀଙ୍କ ଝାରସୁଗୁଡ଼ା ଗସ୍ତ କାର୍ଯ୍ୟକ୍ରମ ରହିଛି। ଅମଲିପାଲି ପଡ଼ିଆରେ ମୁଖ୍ୟମନ୍ତ୍ରୀ ସରକାରୀ କାର୍ଯ୍ୟକ୍ରମରେ ଯୋଗ ଦେଇ ବିଭିନ୍ନ ପ୍ରକଳ୍ପର ଶିଳାନ୍ୟାସ କରିବେ। ଏହାପରେ ଦଳୀୟ ସମାବେଶରେ ଯୋଗଦେବେ। ଏହି ଅବସରରେ ନବ ଦାସ ବିଜେଡିରେ ଯୋଗ ଦେଇପାରନ୍ତି ବୋଲି କୁହାଯାଉଛି।

ନିକଟରେ ନବ ଦାସ କଂଗ୍ରେସରୁ ଇସ୍ତଫା ଦେଇଥିଲେ। ଅବଶ୍ୟ ପରେ କଂଗ୍ରେସ ତରଫରୁ କୁହାଯାଇଥିଲା ଯେ ସେ ଇସ୍ତଫା ଦେବା ପୂର୍ବରୁ ତାଙ୍କୁ ବହିଷ୍କାର କରାଯାଇଥିଲା। ଇସ୍ତଫାପତ୍ରରେ ସେ ବିଜେଡିରେ ମିଶିବେ ବୋଲି ଲେଖିଥିଲେ।

ଅନ୍ୟପକ୍ଷରେ ଆଜି ବଲାଙ୍ଗିରରେ ଆୟୋଜିତ ହେବ ଆଞ୍ଚଳିକ ବିଜୁ ଯୁବବାହିନୀ ସମାବେଶ। ଏଥିରେ ଚାରିଟି ଜିଲ୍ଳାର ୩୦ ହଜାର ଯୁବକ ଯୋଗ ଦେବେ। ରାଜେନ୍ଦ୍ର କଲେଜ ପଡିଆରେ ଏହି କାର୍ଯ୍ୟକ୍ରମ ଆୟୋଜିତ ହେବ। ୩୦ ହଜାର ଲୋକଙ୍କ ପାଇଁ ଖାଇବା, ପିଇବାର ବନ୍ଦୋବସ୍ତ କରାଯାଉଛି। ଏହି ଉତ୍ସବରେ ମଧ୍ୟ ମୁଖ୍ୟମନ୍ତ୍ରୀ ଯୋଗ ଦେବାର କାର୍ଯ୍ୟକ୍ରମ ରହିଛି।