ଗୁଣପୁର (ଓଡ଼ିଶା ରିପୋର୍ଟର) : ପଥର ଖାଦାନରେ ଭୟଙ୍କର ବିସ୍ଫୋରଣ ଘଟିଛି। ଏହି ବିସ୍ଫୋରଣରେ ୩ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଗୁରୁତର ହୋଇଛନ୍ତି। ଏଭଳି ଅଭାବନୀୟ ଘଟଣା ଘଟିଛି ଗୁଣପୁରର ଓକିଲଗୁଡ଼ାରେ ଥିବା ପଥର ଖାଦାନରେ। ୩ ମୃତକଙ୍କ ମଧ୍ୟରେ ଦୁଇଜଣ ମହିଳା ଶ୍ରମିକ ଥିବା ସୂଚନା ମିଳିଛି। ବିସ୍ଫୋରଣ ପରେ ଉଦ୍ଧାର କାର୍ଯ୍ୟ ଜାରି ରହିଛି।
ଆହତ ହୋଇଥିବା ବ୍ୟକ୍ତିଙ୍କୁ ହସ୍ପିଟାଲ୍ ନିଆଯାଇଛି। ତେବେ ମୃତକଙ୍କର ପରିଚୟ ଏପର୍ଯ୍ୟନ୍ତ ମିଳିପାରି ନାହିଁ। ତେବେ ଏମାନେ ଆଖପାଖ ଅଞ୍ଚଳର ହୋଇଥିବା ସ୍ଥାନୀୟ ଲୋକଙ୍କ ପାଖରୁ ଜଣାପଡ଼ିଛି।