ଭଦ୍ରକ (ପାର୍ଥସାରଥୀ ନାୟକ): ବିଭିନ୍ନ ନ୍ୟୁଜ୍ ଚ୍ୟାନେଲରେ କାମ କରୁଥିବା କହି ଭିଆର୍ପି କର୍ମକର୍ତ୍ତାଙ୍କୁ ନକଲି ସାମ୍ବାଦିକଙ୍କ ଧମକ। କେବଳ ଧମକ ନୁହେଁ ଅଶ୍ଳୀଳ ଭାଷାରେ ଗାଳିଗୁଲଜ ମଧ୍ୟ କରୁଥିବା ଅଭିଯୋଗ ହୋଇଛି। ଫୋନ୍ କରି ଉକ୍ତ ନକଲି ସାମ୍ବାଦିକ ଜଣକ ବହୁ ହଇରାଣ କରୁଥିବା ନେଇ ସାବରଙ୍ଗ ଥାନରେ ଅଭିଯୋଗ ହୋଇଥିଲା। ତେବେ ଏଥିରୁ କିଛି ସୁଫଳ ନମିଳିବା ପରେ ଏବେ ମହିଳାମାନେ ଏସ୍ପିଙ୍କ ଦ୍ୱାରସ୍ଥ ହୋଇଛନ୍ତି।
ଅଭିଯୋଗ ମୁତାବକ, ଭଦ୍ରକ ଜିଲ୍ଲା ସାବରଙ୍ଗ ଥାନା ଚିତାନଗାଠାରେ କାଶୀନାଥ ପତି ନାମକ ଜଣେ ବ୍ୟକ୍ତି ଫୋନ୍ କରି ଗ୍ରାମ ସମ୍ବଳ ଅଧିକାରିଣୀ ତଥା ଭିଆର୍ପି କର୍ମୀଙ୍କୁ ଗଲା କିଛି ଦିନ ହେବ ହଇରାଣ କରୁଛନ୍ତି। ବିଭିନ୍ନ ନ୍ୟୁଜ ଚ୍ୟାନେଲରେ କାମ କରୁଥିବା କହି ଅଶ୍ଳୀଳ ଭାଷରେ ଗାଳିଗୁଲଜ ମଧ୍ୟ କରୁଛନ୍ତି। ସବୁ ଡାଟା ମୋତେ ଦିଅ, ତମେ ଲାଞ୍ଚ ନେଇ କାମ କରୁଛ। ତୁମକୁ ବଦନାମ କରିଦେବି କହି ଫୋନ କରି ଉକ୍ତ ନକଲି ସାମ୍ବାଦିକ ଜଣକ ଧମକ ମଧ୍ୟ ଦେଉଛନ୍ତି। କେବଳ ସେତିକି ନୁହେଁ ତୁମର ଅନେକ ପ୍ରମାଣ ସୋସିଆଲ ମିଡିଆରେ ଛାଡ଼ିଦେବି। ତୁମ ସମସ୍ତଙ୍କୁ ବରବାଦ କରି ଦେବି କହି ଭୟଭୀତ ମଧ୍ୟ କରାଉଛନ୍ତି। କର୍ମୀମାନଙ୍କ ଭୋଟର ଆଇଡି ଓ ବ୍ୟାଙ୍କ ପାସ୍ବୁକ୍ ମଧ୍ୟ ମାଗୁଛନ୍ତି।
ଏନେଇ ଭିଆର୍ପିର ମହିଳା କର୍ମୀମାନେ ଗଲା ୮ ତାରିଖରେ ସାବରଙ୍ଗ ଥାରେ ଲିଖିତ ଅଭିଯୋଗ କରିଥିଲେ। ପରେ ପୁଲିସ ଅଭିଯୁକ୍ତକୁ ଥାନାକୁ ଆଣି ମହିଳା କର୍ମୀଙ୍କୁ ଡାକିଥିଲା। ହେଲେ ମହିଳାକର୍ମୀମାନେ ରାତିରେ ଆସିବାକୁ ମନା କରିଦେଇଥିଲେ। ପରେ ପୁଲିସ ଅଭିଯୁକ୍ତକୁ ନୋଟିସ୍ ଦେଇ ଛାଡି ଦେଇଥିଲା। ତେବେ ପୁଲିସ କୌଣସି କାର୍ଯ୍ୟାନୁଷ୍ଠନ ଗ୍ରହଣ ନକରି ଓ ମହିଳାକର୍ମୀଙ୍କୁ ନଜଣାଇ ଅଭିଯୁକ୍ତକୁ ଛାଡି ଦେଇଥିବା ଅଭିଯୋଗ ହୋଇଛି। ନ୍ୟାୟ ଦାବିରେ ମହିଳା କର୍ମୀମାନେ ଏବେ ଭଦ୍ରକ ଏସ୍ପିଙ୍କ ଦ୍ୱାରସ୍ଥ ହୋଇଛନ୍ତି। ଏସ୍ପି ଅଭିଯୁକ୍ତ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରତିଶ୍ରୁତି ଦେବାପରେ ମହିଳା କର୍ମୀମାନେ ସେଠାରୁ ଫେରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
