ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୟାଗଡ଼: ନୟାଗଡ଼ ପୋଲିସ୍ ହାତରେ ଧରାପଡ଼ିଛନ୍ତି ଜଣେ ନକଲି ପୋଲିସ୍‌। ତାଙ୍କ ନାଁ ଅଶୋକ ନାୟକ। ତାଙ୍କ ଘର ଦଶପଲ୍ଲାର ପାଂପଡ଼ାରେ।</p> <p>ଅଶୋକ ନକଲି ପୋଲିସ୍‌ ସବ୍‌ଇନ୍ସପେକ୍ଟ ଅବା ଇନ୍ସପେକ୍ଟର ବନି ନଥିଲେ। ସେ ସିଧା ସଳଖ ଆଇଜି ବନି ଯାଇଥିଲେ। ନିଜକୁ ପଞ୍ଜାବ ପୋଲିସ୍‌ର ଜଣେ ଆଇଜି ଭାବେ ପରିଚୟ ଦେଇ ନୟାଗଡ଼ ଏସ୍‌ପିଙ୍କୁ ଫୋନ୍ କରିଥିଲେ ଓ ତାଙ୍କର ଜଣେ ବନ୍ଧୁଙ୍କର ଏକ କାମ କରାଇ ଦେବା ପାଇଁ କହିଥିଲେ। ଏସ୍‌ପିଙ୍କର ତାଙ୍କ ଉପରେ ସନ୍ଦେହ ହେଲା। ସେ ଏହାର ତଦନ୍ତ କରିବା ପାଇଁ ନୟାଗଡ଼ ଟାଉନ ଥାନା ଆଇଆଇସିଙ୍କୁ ନିର୍ଦ୍ଦେଶ ଦେଲେ। ଅନୁସନ୍ଧାନରୁ ନକଲି ଆଇଜିଙ୍କ ଅସଲି ମୁଖା ଖୋଲିଗଲା।</p> <p>ପୋଲିସ୍‌ ତାଙ୍କଠାରୁ ପଞ୍ଜାବ ପୋଲିସ୍‌ର ଗୋଟିଏ ନକଲି ପରିଚୟପତ୍ର ପାଇଛି। ଏହାକୁ ଜବତ କରିବା ସହିତ ପୋଲିସ୍ ଅଧିକ ତଦନ୍ତ କରୁଛି।</p> <p>ନୟାଗଡ଼ ଏସ୍‌ଡିପିଓ ଜୟରାମ ଶତପଥୀ କହିଛନ୍ତି ଯେ ଅଭିଯୁକ୍ତ ନିଜକୁ ଆଇଜି ଭାବେ ପରିଚୟ ଦେଇ ଏସ୍‌ପିଙ୍କ ସରକାରୀ ଫୋନ୍‌କୁ ବାରମ୍ବାର କଲ୍‌ କରୁଥିଲା। ତାର କିଛି କାର୍ଯ୍ୟ କରାଇ ଦେବା ପାଇଁ ପ୍ରଭାବିତ କରିବାକୁ ଚାହୁଁଥିଲା। ଏସ୍‌ପିଙ୍କର ସନ୍ଦେହ ହେବାରୁ ଟାଉନ ଥାନା ଆଇଆଇସି ଘଟଣାର ତଦନ୍ତ କରିବା ପରେ ସତ କଥା ପଦାକୁ ଆସିଲା। ତାକୁ ଗିରଫ କରାଯାଇଛି।</p> <p>[vc_video link=" " align="center"]</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
