ନୂଆପଡ଼ା(ମାୟାଧର ସରାଫ): ନୂଆପଡା ଜିଲ୍ଲା ଭରୁଆମୁଣ୍ତା ପଞ୍ଚାୟତର ୨ ନମ୍ବର ମତଦାନ କେନ୍ଦ୍ରରେ ଜଣେ ବ୍ୟକ୍ତି ଅନ୍ୟଜଣଙ୍କ ନାମରେ ଭୋଟ ଦେଇଥିବା ଜଣାଯାଇଛି। ଏହାକୁ କେନ୍ଦ୍ର କରି ହୋଇଥିବା ଉକ୍ତ ବୁଥ୍ରେ ପ୍ରବଳ ଉତ୍ତେଜନା ସୃଷ୍ଟି ହୋଇଥିଲା । ଏକ ଗୋଷ୍ଠୀର ଲୋକେ ମତଦାନ କେନ୍ଦ୍ର ଭିତରକୁ ପଶି ଯାଇଥିବାରୁ ଭୋଟଦାନ କିଛି ସମୟ ପାଇଁ ବନ୍ଦ ଥିଲା ।
ଲୋକେ ଅଭିଯୋଗ କରିଛନ୍ତି ଯେ, ଜଣେ ଭୋଟରଙ୍କ ନାମରେ ଅନ୍ୟ ଜଣେ ଭୋଟ ଦେଇଛନ୍ତି । ପ୍ରିଜାଇଡିଂ ଅଫିସର କହୁଛନ୍ତି ଯେ,ପ୍ରାର୍ଥୀଙ୍କ ଏଜେଣ୍ଟ ଚିହ୍ନଟ କରିବା ପରେ ସମ୍ପୃକ୍ତ ଭୋଟରଙ୍କୁ ଭୋଟ ଦେବାକୁ ସୁଯୋଗ ଦିଆ ଯାଇ ଥିଲା । କିନ୍ତୁ ଭୋଟ ଦେଲା ପରେ ଏଜେଣ୍ଟ ଉକ୍ତ ବ୍ୟକ୍ତିଜଣକ ପ୍ରକୃତ ଭୋଟର ନୁହନ୍ତି ବୋଲି କହିଥିଲେ। ଏପରିକି ଜଣେ ଭୋଟରଙ୍କ ନାମରେ ସେ ଭୋଟ ଦେଇଥିବା କହିଥିଲେ । ଏଥିଯୋଗୁ ଉତ୍ତେଜନା ଦେଖାଦେବାରୁ ଦୀର୍ଘ ସମୟ ପର୍ଯ୍ୟନ୍ତ ଭୋଟଦାନ ବନ୍ଦ ଥିଲା ।
[caption id="attachment_714171" align="aligncenter" width="650"]
ଭୋଟଦାନ କେନ୍ଦ୍ର ବାହାରେ ପୁଲିସ୍ ମୁତୟନ ।[/caption]
ପରେ ପୁଲିସ, ସେକ୍ଟର ଅଫିସର ଓ ଏକଜିକ୍ୟୁଟିଭ ମାଜିଷ୍ଟ୍ରେଟ ପହଞ୍ଚି ଲୋକଙ୍କୁ ବୁଝାଶୁଝା କରି ସ୍ଥିତିକୁ ନିୟନ୍ତ୍ରଣକୁ ଆଣିଥିଲେ। ଏବେ ସୁରୁଖୁରରେ ଭୋଟଦାନ ଚାଲିଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
