କଣ୍ଟାବାଞ୍ଜି (ଅନ୍ତିମ ପାଣିଗ୍ରାହୀ): ମାଆ ଓ ପୁଅ ବିଲରେ କାମ କରୁଥିଲେ। ହଠାତ୍ ଆକାଶରୁ ଖସିଲା ନିଆଁ। ଆଜି ବିଲ ମଝିରେ ଟଳି ପଡ଼ିଲେ ପୁଅ। ମାଆ ଚେତା ହରାଇ ପଡ଼ିଲେ। ଏପରି ହୃଦୟବିଦାରକ ଘଟଣା ବଲାଙ୍ଗିର ଜିଲ୍ଲାରେ ଘଟିଛି।
ଆଜି ବଙ୍ଗୋମୁଣ୍ଡା ଥାନା ଧୁଣ୍ଡିମହୁଲ ଗାଁର ଗଜାନନ ସାହୁ ଓ ତାଙ୍କ ମାଆ ଭରଦେଇ ସାହୁ ବିଲକୁ କାମ କରିବାକୁ ଯାଇଥିଲେ। ଅପରାହ୍ନ ପ୍ରାୟ ୪ଟା ସମୟରେ ଆକାଶରେ ଘୋଟି ଆସିଥିଲା କଳାହାଣ୍ଡିଆ ମେଘ। ପରେ ଝିପି ଝିପି ବର୍ଷା ହେବା ସହିତ ଘଡଘଡି ମାରିଥିଲା। ଆଉ ଉଭୟ ମାଆ ଓ ପୁଅ ଚେତା ହରାଇ ପଡ଼ିଥିଲେ। ପାଖ ଚାଷୀମାନେ ଉଭୟଙ୍କୁ ଉଦ୍ଧାର କରି କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି କରିଥିଲେ। ସେଠାରେ ଗଜାନନଙ୍କୁ ମୃତ ଘୋଷଣା କରିଥିଲେ। ତେବେ ମାଆ ଭରଦେଇଙ୍କ ସ୍ୱାସ୍ଥ୍ୟ ଅବସ୍ଥା ଉଦ୍ବେଗଜନକ ରହିଛି। ସେଠାରେ ତାଙ୍କର ଚିକିତ୍ସା ଚାଲିଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
