କୁଚିଣ୍ଡା(ଦେବେନ୍ଦ୍ର ବେହେରା): ସରକାରୀ ଅଫିସ୍ରେ ଜମିଲା ମଦ ମାଂସର ଆସର। ମଦ ମାଂସ ଭୋଜିରେ ସାମିଲ ହେଲେ ବରିଷ୍ଠ ଅଧିକାରୀ। ଏପରି ଏକ ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେଉଛି। ଝାରସୁଗୁଡ଼ା ଜିଲ୍ଲା ବାଗଡ଼ିହି ଫରେଷ୍ଟ ରେଞ୍ଜ ଅଫିସ ଭିତରେ ଗତ ହୋଲି ରାତିରେ ଏଭଳି ମଦ ମାଂସ ଭୋଜି ହୋଇଥିବା ବେଳେ ଏହାର ଭିଡିଓ ଗତକାଲି ଭାଇରାଲ ହୋଇଛି।
ଏଥିରେ ନିଜେ ରେଞ୍ଜର ବ୍ରଜମୋହନ ପଟ୍ଟନାୟକ, ଫରେଷ୍ଟର ଆଲୋକ ନାଏକ ଏବଂ watcher ମହାଦେବ କିଷାନ ଓ ସନ୍ତୋଷ କିଷାନ ଥିବାର ଚର୍ଚ୍ଚା ହେଉଛି। ଭିଡିଓରେ ଜଣେ ଅଧିକାରୀ ରାତି ସାରା ମଦ ପିଇବା ବୋଲି କହୁଥିବାର ଶୁଣିବାକୁ ମିଳୁଛି। ସରକାରୀ ଅଫିସ ଭିତରେ ଏପରି ମଦର ଆସର ଏବେ ସରକାରୀ ଅଧିକାରୀଙ୍କ ଚରିତ୍ର ଉପରେ ପ୍ରଶ୍ନବାଚୀ ସୃଷ୍ଟି କରୁଛି।
ଏହି ଭିଡିଓ ଭାଇରାଲ ହେବା ପରେ ସମ୍ପୃକ୍ତ ଅଧିକାରୀମାନଙ୍କ ମତାମତ ମିଳିପାରି ନାହିଁ। ଅପରପକ୍ଷେ ଏନେଇ ଝାରସୁଗୁଡ଼ା ଡିଏଫଓଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ତାହା ସମ୍ଭବ ହୋଇପାରି ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
