ବଲାଙ୍ଗିର (ଓଡ଼ିଶା ରିପୋର୍ଟର): ଜମି ବିବାଦରୁ ଫୁଟିଲା ଗୁଳି। ବଲାଙ୍ଗିର ସହର ଉପକଣ୍ଠ ସଦେଇପାଲି ଛକରେ ଘଟିଛି ଏହି ଘଟଣା।
ଗୁଳିମାଡ଼ରେ ଆହତ ଯୁବକଙ୍କ ନାଁ ସୋନୁ ପଟ୍ଟନାୟକ। ବଲାଙ୍ଗିର ସହରର ସୋନୁ ଆଜି ସଦେଇପାଲି ଛକ ନିକଟରେ ଥିବା ତାଙ୍କ ଜମିର ମାପଚୁପ କରୁଥିଲେ । ଏହି ସମୟରେ ସଦେଇପାଲିର ବିଶୁ ସାଏଙ୍କ ପରିବାର ଲୋକେ ସଂଘବଦ୍ଧ ଭାବେ ଆସି ତାଙ୍କୁ ଆକ୍ରମଣ କରିଥିଲେ। ଏପରିକି ବିଶୁଙ୍କ ପରିବାର ଲୋକେ ସୋନୁ ଉପରକୁ ଗୁଳି କରିଥିଲେ। ଗୁଳିଟି ସୋନୁଙ୍କ କାନ୍ଧରେ ବାଜିଥିଲା । ଏହା ସହିତ ସେଠାରେ ଉପସ୍ଥିତ ସୋନୁଙ୍କ ସହଯୋଗୀ ସିଲୁ ପ୍ରଧାନଙ୍କୁ ମଧ୍ୟ ଆକ୍ରମଣ କରିଥିଲେ। ଆକ୍ରମଣରେ ସିଲୁଙ୍କ ମୁଣ୍ଡ ଫାଟି ଯାଇଛି।
ସୋନୁ ଓ ସିଲୁକୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଛି। ସଦର ଥାନା ପୁଲିସ ଘଟଣାର ତଦନ୍ତ କରୁଛି।
ଆହତ ସିଲୁ କହିଛନ୍ତି ଯେ କିଛି ଅଭିଯୋଗ ଥିଲେ ବସି ଆଲୋଚନା କରାଯାଇପାରିବ ବୋଲି ଆମେ କହିଥିଲୁ। ହେଲେ ଆକ୍ରମଣକାରୀମାନେ କିଛି ଶୁଣି ନଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
