ପରପାରିରେ କଳାହାଣ୍ଡିର କଳା ହୀରା ବିନୟ ବେହେରା, ଆଜି ଶେଷକୃତ୍ୟ

<p>ଭୁବନେଶ୍ୱର: ପୂର୍ବତନ ହୋମଗାର୍ଡ ଏବଂ ଅଗ୍ନିଶମ ଡିଜି ବିନୟ ବେହେରାଙ୍କ ପରଲୋକ। &nbsp;ଗତକାଲି ରାତିରେ ଭୁବନେଶ୍ୱରର ଏକ ଘରୋଇ ହସପିଟାଲରେ ତାଙ୍କର ପରଲୋକ ହୋଇଛି । &nbsp;ସେ କିଛିଦିନ ହେଲା ଅସୁସ୍ଥ ଥିଲେ।&nbsp; ଅକ୍ଟୋବବର ୩୧ରେ ଚାକିରିରୁ ଅବସର ନେବା ଦିନ ରାତିରେ ସେ ହଠାତ ଅସୁସ୍ଥ ହୋଇ ପଡିଥିଲେ। &nbsp;&nbsp;ନଭେମ୍ବର ପହିଲାରେ ଚିକିତ୍ସା ପାଇଁ ତାଙ୍କୁ ଏକ ଘରୋଇ ହସପିଟାଲରେ ଭର୍ତ୍ତି କରାଯାଇଥିଲା। &nbsp;&nbsp;ସେ ଗୁରୁତର ନିମୋନିଆରେ ଆକ୍ରାନ୍ତ ଥିବା ଜଣାପଡିଥିଲା । ପରେ ଏହା ଶରୀରର ଅନ୍ୟାନ୍ୟ ଅଂଗକୁ ସଂକ୍ରମଣ କରିଥିଲା। &nbsp;&nbsp;କିଡନି ଅଚଳ ହୋଇ ପଡିବାରୁ ତାଙ୍କୁ ଗତ ୩ତାରିଖରୁ ନିୟମିତ ଡାଏଲିସିସ୍&nbsp; କରାଯାଉଥିଲା। &nbsp;&nbsp;କିନ୍ତୁ ଡାକ୍ତରଙ୍କ ଚିକିତ୍ସା ସତ୍ତ୍ୱେ ତାଙ୍କର ଗୁରୁତ୍ୱପୂର୍ଣ୍ଣ ଅଙ୍ଗଗୁଡିକ ସ୍ୱାଭାବିକ୍&zwnj; ଅବସ୍ଥାକୁ ଅଣାଯାଇ ପାରି ନ ଥିଲା। &nbsp;&nbsp;ଗତକାଲି ରାତି ୧୦ଟା ୩୫ରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। &nbsp;&nbsp;&nbsp;ବିଳମ୍ବିତ ରାତିରେ ବିନୟ ବେହେରାଙ୍କ ପାର୍ଥିବଶରୀରକୁ କଟକ ସ୍ଥିତ ବାସଭବନକୁ ନିଆଯାଇଥିଲା। &nbsp;&nbsp;ଆଜି ସ୍ୱର୍ଗଦ୍ୱାରରେ ତାଙ୍କର ଶେଷ କୃତ୍ୟ ସମ୍ପନ୍ନ ହେବ ।</p><p>&lt;span style=&quot;color: #ff0000;&quot;&gt;ବିନୟଙ୍କ ଜୀବନଯାତ୍ରା&lt;/span&gt;</p><p>ପୂର୍ବତନ ହୋମଗାର୍ଡ ଓ ଅଗ୍ନିଶମ ଡିଜି ବିନୟ ବେହେରା କଳାହାଣ୍ଡି ଜିଲ୍ଲା ଜୁନାଗଡ ବ୍ଲକ ମୁଣ୍ଡରାଗୁଡା ଗାଁରେ ୧୯୫୭ ମସିହା ଅକ୍ଟୋବର ୧୦ରେଜନ୍ମ ଗ୍ରହଣ କରିଥିଲେ। ରାଉରକେଲାରେ ଶିକ୍ଷା ସମାପ୍ତି ପରେ ସେ ୧୯୮୨ ମସିହାରେ ଆଇପିଏସ ପରୀକ୍ଷାରେ କୃତକାର୍ଯ୍ୟ ହୋଇଥିଲେ । ଏହାପରେ ୧୯୮୫&nbsp; ମସିହାରେ ଭଂଜନଗର ଏସଡିପିଓ ଭାବେ କାର୍ଯ୍ୟ ଆରମ୍ଭ କରିଥିଲେ। ପରେ ଭୁବନେଶ୍ୱର ଅତିରିକ୍ତ ଏସପି, କଳାହାଣ୍ଡି, ପୁରୀ, କଟକ, ମୟୁରଭଂଜ, ରାଉରକେଲାର ଏସପି ଭାବେ କାର୍ଯ୍ୟ &nbsp;କରିଥିଲେ । &nbsp;&nbsp;୨୦୦୭ରେ&nbsp; କମିଶନରେଟ ପୋଲିସର ପ୍ରଥମ କମିଶନର ଭାବେ ଯୋଗ ଦେଇଥିଲେ।ପୋଲିସ ଓ ଅପରାଧୀଙ୍କ ମଧ୍ୟରେ ଥିବା ସମ୍ପର୍କର ଖୁଲାସା କରି ସେ ଚର୍ଚ୍ଚାରେ ରହିଥିଲେ।</p><p>୨୦୦୮ରେ ସେ ପୋଲିସ ଯୋଗାଯୋଗ ବିଭାଗର ଆଇଜି ଭାବେ ଦାୟିତ୍ୱ ନେଇଥିଲେ ।&nbsp; ହୋମଗାର୍ଡ ଓ ଅଗ୍ନିଶମ ବିଭାଗର ଏଡିଜି ଭାବେ କାର୍ଯ୍ୟ କରିବା ପରେ ସେହି ବିଭାଗର ଡିଜି ଭାବେ ଅବସର ନେଇଥିଲେ। &nbsp;ଓଡିଶା ରାଜ୍ୟ ପରିବହନ ନିଗମ କ୍ଷତିରେ ଚାଲୁଥିବା ବେଳେ ଏହାକୁ ବିନୟ ବେହେରା ଏକ ଲାଭଜନକ ସଂସ୍ଥାରେ ପରିଣତ କରିପାରିଥିଲେ। &nbsp;&nbsp;ଏଥିସହ&nbsp; ବିଜୁ ପଟ୍ଟନାୟକ ପୋଲିସ ଏକାଡେମିର ନିର୍ଦ୍ଦେଶକ ଭାବେ ସେ କାର୍ଯ୍ୟ କରିଛନ୍ତି । &nbsp;ଖେଳରେ ମଧ୍ୟ ତାଙ୍କର ବେଶ ଦକ୍ଷତା ଥିଲା&nbsp; ସର୍ବଭାରତୀୟ ପୋଲିସ ମ୍ୟାଚରେ ସେ ଟେନିସରେ ପଦକ ଜିତିଛନ୍ତି। &nbsp;&nbsp;କେବଳ ସଚ୍ଚୋଟ ପୋଲିସ ଅଫିସର ନୁହେଁ ସେ ଜଣେ ପରିବେଶ ପ୍ରେମୀ ଥିଲେ । &nbsp;&nbsp;ମଣିଷ - ହାତୀ ଲଢେଇ ପ୍ରସଂଗରେ ଗବେଷଣା କରି&nbsp; ସେ ଡକ୍ଟରେଟ ପାଇଛନ୍ତି।</p><p>&lt;span style=&quot;color: #ff0000;&quot;&gt;ବିଭିନ୍ନ ମହଲରେ ଶୋକ&lt;/span&gt;</p><p>ବିନୟ ବେହେରାଙ୍କ ପରଲୋକରେ ବିଭିନ୍ନ ମହଲରେ ଗଭୀର ଶୋକ ପ୍ରକାଶ ପାଇଛି।&nbsp;&nbsp; ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମାଙ୍କସହ ବରିଷ୍ଠ ଅଧିକାରୀ ମାନେ ଘରୋଇ ମେଡିକାଲରେ ତାଙ୍କର ଶେଷ ଦର୍ଶନ କରିଥିଲେ। ଗୁଇନ୍ଦା ବିଭାଗର ସ୍ପେସିଆଲ ଡିଜି ଅରୁଣ ଷଡଙ୍ଗୀ, ସେଣ୍ଟ୍ରାଲ ରେଂଜ ଆଇଜି ସୌମେନ୍ଦ୍ର ପ୍ରିୟଦର୍ଶୀ, କମିଶନର ୟାଇ.ବି.ଖୁରାନିଆ ଓ ଡିସିପି ସତ୍ୟବ୍ରତ ଭୋଇ ତାଙ୍କର ଶେଷ ଦର୍ଶନ କରିଥିଲେ ।ବିନୟ ବେହେରାଙ୍କ ପରଲୋକରେ ରାଜ୍ୟ ଜଣେ ସଚ୍ଚୋଟ, ଦକ୍ଷ ପୋଲିସ ଅଫିସରଙ୍କୁ ହରାଇଲା ବୋଲି ପୋଲିସ ଡିଜି ମତ ରଖିଛନ୍ତି ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।