ପୁରୀ: ବିବାଦୀୟ କେନ୍ଦ୍ରାପଡାର ପୂର୍ବତନ ଏସପି ସତୀଶ ଗଜଭିୟେଙ୍କ ପତ୍ନୀଙ୍କ ନାଁରେ ଗୋପ ଅଞ୍ଚଳରେ ଥିବା ଜବରଦଖଲ ଜମିର ଉଚ୍ଛେଦ କାର୍ଯ୍ୟ ଆରମ୍ଭ କରାଯାଇଛି। ଗୋପ ଅତିରିକ୍ତ ତହସିଲଦାରଙ୍କ ତତ୍ତ୍ୱାବଧାନରେ ଆଜି ସରକାରୀ ଅମିନ,ରାଜସ୍ୱ ବିଭାଗ କର୍ମଚାରୀ ଓ ଏକ ପ୍ଲାଟୁନ୍ ଫୋର୍ସ ଉପସ୍ଥିତିରେ ଜବରଦଖଲ ଉଚ୍ଛେଦ କରାଯାଇଥିଲା।
ସତୀଶ ଗଜଭିୟେଙ୍କ ପତ୍ନୀ ରଞ୍ଜନା ଗଜଭିୟେ କିଛି ପ୍ରଭାବଶାଳୀ ଲୋକଙ୍କ ସହ ମିଶି ବଡକିଆପାଳ ଓ ସାନକିଆପାଳ ମୌଜା ଅନ୍ତର୍ଗତ କାଦୁଆ ନଦୀ ପଠାରେ ୯୦ ଏକର ଜମିରେ ବିଶାଳ ମାଛ ପୋଖରୀ ନିର୍ମାଣ ଘଟଣା ପଦାକୁ ଆସିବା ପରେ ଘଟଣାର ଅନୁସନ୍ଧାନ ଆରମ୍ଭ ହୋଇଥିଲା। ଅନୁସନ୍ଧାନରୁ ରଞ୍ଜନା ମାତ୍ର ୮ ଏକର ଜମି କିଣି ଥିବା ଜଣାପଡ଼ିଥିଲା। ଗତ ଡିସେମ୍ବର ୨୮ ତାରିଖରେ ମାସକ ମଧ୍ୟରେ ସରକାରୀ ଜମିରୁ ଜବରଦଖଲ ହଟାଇବା ପାଇଁ ନୋଟିସ୍ ପରେ ଆଜି ଜବରଦଖଲ ଉଚ୍ଛେଦ କାମ ଆରମ୍ଭ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
