ଗଜଭିୟେଙ୍କୁ ଗିରଫ ଦାବିରେ ଭୁବନେଶ୍ୱରରେ ରାସ୍ତାରୋକ

ଭୁବନେଶ୍ୱର: କେନ୍ଦ୍ରାପଡ଼ାରେ ସାଧାରଣ ଲୋକଙ୍କୁ ପୋଲିସର ଆକ୍ରମଣ ଘଟଣାକୁ ସ୍ୱାଭିମାନୀ ପ୍ରଗତିଶୀଳ ମହିଳା ସଂଘ ନିନ୍ଦା କରିଛି। ତତ୍କାଳିନ ଏସପି ସତିଶ ଗଜଭିୟେଙ୍କୁ ଗିରଫ ଦାବିରେ ସଂଘ ପକ୍ଷରୁ ଭୁବନେଶ୍ୱର ଚନ୍ଦ୍ରଶେଖରପୁରରେ ରାସ୍ତାରୋକ କରାଯାଇଥିଲା। ମାନବାଧିକାରକୁ ଭଙ୍ଗ କଲାଭଳି ପୋଲିସର କାର୍ଯ୍ୟକଳାପକୁ ସଂଘ ପକ୍ଷରୁ ସମାଲୋଚନା କରାଯାଇଛି। ମହିଳା ସାମାଜିକ କର୍ମୀ ମମତା ସମନ୍ତରାୟଙ୍କୁ ବିନା ସର୍ତ୍ତରେ ଖଲାସ ଓ ସମସ୍ତ ଘଟଣାର ତଦନ୍ତ ଦାବି କରିଛନ୍ତି ସଂଘର ସଭାନେତ୍ରୀ।