ସୋର (ଶଶିକାନ୍ତ ବେହେରା): ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ କାନପୁର ଗାଁରେ ଜଣେ ବ୍ୟକ୍ତିଙ୍କ ଖଳାରେ ଧାନଗଦାରେ ନିଆଁ ଲାଗି ଯିବାରୁ ତାହା ପୋଡ଼ି ପାଉଁଶ ହୋଇଯାଇଛି। ପ୍ରାୟ ୩ ଏକର ଜମିରେ ହୋଇଥିବା ଧାନକୁ କାଟି ଏଠାରେ ଗଦା କରାଯାଇଥିଲା।
ଗାଁର ଯେଉଁ ବ୍ୟକ୍ତିଙ୍କର ଏହି କ୍ଷତି ଘଟିଛି, ତାଙ୍କ ନାଁ ସୁକଦେବ ମଳିକ।
ଗତକାଲି ବିଳମ୍ବିତ ରାତିରେ ଏ ଘଟଣା ଘଟିଥିଲା। ହଠାତ୍ ହୁତୁ ହୁତୁ ହୋଇ ଧାନଗଦା ଜଳିବାକୁ ଲାଗିଥିଲା। ସୋରରୁ ଦୁଇଟି ଦମକଳ ଆସି ନିଆଁ ଲିଭାଇଥିଲା। ତେବେ ସେତେବେଳକୁ ସବୁ ଜଳିପୋଡ଼ି ପାଉଁଶ ହୋଇଯାଇଥିଲା।
ନିଆଁ କେମିତି ଲାଗିଲା, ତାହା ସ୍ପଷ୍ଟ ହୋଇପାରି ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।