ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଗରମରୁ ମିଳିଲା ନିସ୍ତାର। ଆଜି ଅପରାହ୍ନରେ ରାଜଧାନୀ ଭୁବନେଶ୍ୱରର ବିଭିନ୍ନ ସ୍ଥାନରେ କାଳବୈଶାଖୀ ପ୍ରଭାବରେ ପ୍ରବଳ ବର୍ଷା ହୋଇଛି। ପବନ ମଧ୍ୟ ବହିଛି। ଯାହାଫଳରେ ବଡ଼ବଡ଼ ଗଛ ଉପୁଡ଼ି ରାସ୍ତାରେ ପଡ଼ିଛି। ରାସ୍ତାରେ ବର୍ଷା ପାଣି ଲହରି ମାରୁଛି। ବିଶେଷକରି ଜୟଦେବ ବିହାର ଛକରୁ ଏଜି ଛକ ଭିତରେ ବେଶୀ କ୍ଷତିକ୍ଷତି ହୋଇଛି। ବଡ଼ବଡ଼ ଗଛ ଉପୁଡ଼ିପଡ଼ିଥିବା ଦେଖିବାକୁ ମିଳିଛି। ସେହିପରି ଲୋୟର ପିଏମ୍‌ଜିରେ ଆନ୍ଦୋଳନ ସ୍ଥଳରେ ଗଛ ପଡ଼ି କିଛି ଶିକ୍ଷକ ଆହତ ହୋଇଥିବା ସୂଚନା ମିଳିଛି। ମାତ୍ର କେତେ ଜଣ ଆହତ ହୋଇଛନ୍ତି, ତାହା ଜଣାପଡ଼ି ନାହିଁ।</p> <p><a href="">(image) </a></p> <p>ନିର୍ଦ୍ଧାରିତ ସମୟ ପୂର୍ବରୁ ମୌସୁମୀ ଓଡ଼ିଶା ଛୁଇଁଥିଲା। ଜଣାପଡ଼ୁଥିଲା ପ୍ରବଳ ବର୍ଷା ହେବ। ମାତ୍ର ଦୁଇ ଝିପିଝିପି ତିନି ବର୍ଷା ହୋଇ ଗାଏବ ହୋଇଯାଇଥିଲା। ଆଉ ଲେଉଟିଥିଲା ଗ୍ରୀଷ୍ମ। ନିଆଁ ବର୍ଷା ହେଉଥିଲା। ଖରାରେ ସନ୍ତୁଳି ହେଉଥିଲେ ରାଜଧାନୀବାସୀ। ଲଗାତାର ୩ ଦିନ ଧରି ଭୁବନେଶ୍ୱରର ତାପମାତ୍ରା ୪୦ ଡିଗ୍ରୀ ଉପରେ ରହିଥିଲା। କହିବାକୁ ଗଲେ ଜୀବନଯାତ୍ରା ଏକ ପ୍ରକାର ପ୍ରଭାବିତ ହୋଇଥିଲା।</p> <p>ଆଜି ଅପରାହ୍ନରେ ରାଜଧାନୀ ଆକାଶରେ ଘୋଟିଆସିଥିଲା କଳାହାଣ୍ଡିଆ ମେଘ। ପରେ ପ୍ରବଳ ପବନ ବହିଥିଲା। ଗଛ ଗୋଟିକ ଭାଙ୍ଗି ରାସ୍ତା ଉପରେ ପଡ଼ିଥିଲା। ବର୍ଷା ପାଣି ନିଷ୍କାସିତ ହୋଇ ନପାରି ରାସ୍ତାରେ ଲହରି ମାରୁଥିବା ଦେଖିବାକୁ ମିଳିଛି। ତେବେ ଲୋୟର ପିଏମ୍‌ଜିରେ ବର୍ଷା ଓ ପବନ ଯୋଗୁଁ ଦୌଡ଼ି ପଳାଇ ଯାଉଥିବା ବେଳେ ୧୦ ଜଣ ଶିକ୍ଷକ ଆହତ ହୋଇଥିବା ଜଣାପଡ଼ିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
