ଲକରରେ ଗହଣା ଓ ଟଙ୍କା ରଖି ନିଶ୍ଚିନ୍ତ ରହୁଛନ୍ତି କି ? ବୁଡ଼ିଯିବେ , ଜାଣନ୍ତୁ କେମିତି ହେଉଛି ହାଇଟେକ୍‌ ଲୁଟ୍

<p>ଭୁବନେଶ୍ୱର: ବ୍ୟାଙ୍କ୍ ଲକରରେ ଆପଣ ଜମା ରଖିଥିବା ଗହଣା ଓ ଟଙ୍କା ସୁରକ୍ଷିତ ଅଛି ତ ? କାରଣ ମୁମ୍ବାଇରେ ଯେଉଁଭଳି ଢ଼ଙ୍ଗରେ ବ୍ୟାଙ୍କ ଭିତରୁ ଲୁଟ୍ ହୋଇଛି, ତାହା ଜାଣିଲେ ଆପଣଙ୍କ ମନରେ ସନ୍ଦେହ ଉପିଜିବ। ଚାରିଆଡ଼େ ସିସିଟିଭି ଏବଂ ସୁରକ୍ଷାକର୍ମୀ ଥିବା ସତ୍ତ୍ୱେ ସୁଡ଼ଙ୍ଗ ଖୋଳି ଲକରରେ କଳାକନା ବୁଲାଇଛନ୍ତି ଦୁର୍ବୃତ୍ତ। ସେପଟେ ବ୍ରହ୍ମପୁରର ମୁଖ୍ୟ ଡାକଘରେ ବି ଚୋର ଦେଖାଇଛି ଚକ୍&zwnj;ମା।</p><p>&lt;span style=&quot;color: #ff0000;&quot;&gt;ସୁଡ଼ଙ୍ଗ ଖୋଳି ବ୍ୟାଙ୍କରେ ବୁଲାଇଦେଲେ କଳାକନା&lt;/span&gt;<br />ସୁଡ଼ଙ୍ଗ ଖୋଳି ବ୍ୟାଙ୍କରେ ବୁଲାଇଦେଲେ କଳାକନା । ଧୂର୍ତ୍ତ ଚୋରଙ୍କ ଏଭଳି ଚାଞ୍ଚଲ୍ୟକର କାରନାମା ସାମ୍ନାକୁ ଆସିଛି। ସୁଡ଼ଙ୍ଗ ଖୋଳି ବ୍ୟାଙ୍କରେ ବୁଲାଇଦେଲେ କଳାକନା। &nbsp;ହଜାରେ କି ଲକ୍ଷେ ନୁହେଁ, ଲୁଟିନେଲେ ଏକ କୋଟିରୁ ଅଧିକ ଟଙ୍କାର ସୁନାଗହଣା। ନଭି ମୁମ୍ବାଇର ଜୁଇନଗର ସ୍ଥିତ ବ୍ୟାଙ୍କ ଅଫ୍ ବରୋଦା ଶାଖାରେ ଏହି ଲୁଟ୍&zwnj; ହୋଇଛି। &nbsp;ଏକ ମାର୍କେଟ୍ କଂପ୍ଲେକ୍ସର ୨ଟି ଭଡ଼ା ଘରେ ଚାଲିଥିଲା ଏହି ବ୍ରାଞ୍ଚ । ପୋଲିସର ସୂଚନା, ଦୁର୍ବୃତ୍ତମାନେ ପଡ଼ୋଶୀ ଦୋକାନ ଘରୁ ବ୍ୟାଙ୍କ ଭିତରକୁ ସୁଡ଼ଙ୍ଗ ଖୋଳିଥିଲେ। &nbsp;ଏହି ସୁଡ଼ଙ୍ଗ ଦେଇ ବ୍ୟାଙ୍କରେ ପଶି ୨୭ଟି ଲକରରୁ ନେଇଯାଇଛନ୍ତି ସୁନାଗହଣା ସହ ଲକ୍ଷାଧିକ ଟଙ୍କା।</p><p>&lt;span style=&quot;color: #ff0000;&quot;&gt;ଖୋଳିଲେ କିପରି&lt;/span&gt;<br />ଦୁର୍ବୃତ୍ତମାନେ ଏତେବଡ଼ ସୁଡ଼ଙ୍ଗ ଖୋଳିଲେ କିପରି ? ସୁଡ଼ଙ୍ଗ ଖୋଳିବାର ଦୃଶ୍ୟ ସିସିଟିଭିରେ କଏଦ୍ ହୋଇଛି କି ? ସୁଡ଼ଙ୍ଗ ଖୋଳିବା ସମ୍ପର୍କରେ ବ୍ୟାଙ୍କର ସୁରକ୍ଷା କର୍ମୀ କିମ୍ବା ନିକଟସ୍ଥ ବ୍ୟବସାୟୀ ଜାଣିପାରିଲେନି କେମିତି ? ଏଥିରେ ବ୍ୟାଙ୍କ କର୍ମଚାରୀ କିମ୍ବା ନିକଟସ୍ଥ ବ୍ୟବସାୟୀ ସଂପୃକ୍ତ ନାହାନ୍ତି ତ ? ନଭି ମୁମ୍ବାଇ ପୋଲିସ ସମସ୍ତ ଦିଗକୁ ଧରି ଖୋଳତାଡ଼ ଜାରି ରଖିଛି ।</p><p>&lt;span style=&quot;color: #ff0000;&quot;&gt;ଇଏ ହେଉଛି ବ୍ରହ୍ମପୁର ମୁଖ୍ୟ ଡାକଘରେ ଲୁଟ୍&zwnj;ର କାରନାମା&lt;/span&gt;<br />ସେହିପରି ବ୍ରହ୍ମପୁର ମୁଖ୍ୟ ଡାକଘରୁ ଅଭିନୟ ଉପାୟରେ ଲୁଟ୍ ଉଦ୍ୟମ ହୋଇଛି । ଘଟଣାଟି ଏମିତି ଥିଲା। ଆଜି ପୂର୍ବାହ୍ନ ୧୦ଟା ୪୦ମିନିଟ୍ । କାଉଣ୍ଟର ଭିତରେ କାର୍ଯ୍ୟରତ ବ୍ୟାଙ୍କର ଜଣେ ମହିଳା କର୍ମଚାରୀଙ୍କ ପଛରେ ଛିଡ଼ା ହୋଇଥିବା ଜଣେ ବ୍ୟକ୍ତି ଚାରିଆଡେ ଅନାଇବା ପରେ ନଇଁପଡ଼ି ଡ୍ର ଭିତରେ ହାତ ମାରିଲେ। ଦେଖୁ ଦେଖୁ ଲୁଟେରା ଜଣକ ଲକ୍ଷେ ଟଙ୍କା ଧରି ଛୁ ମାରିଲା। ଏହାଦେଖି କର୍ମଚାରୀମାନେ ଅଭିଯୁକ୍ତକୁ ଗୋଡ଼ାଇ ଧରିବା ସହ ଟାଉନ୍ ଥାନା ପୋଲିସକୁ ଜିମା ଦେଇଥିଲେ। &nbsp;ପୋଲିସ ସଂପୃକ୍ତ ଅଭିଯୁକ୍ତକୁ ଗିରଫ କରିଛି।</p><p>&lt;span style=&quot;color: #ff0000;&quot;&gt;ସୁରକ୍ଷା ବ୍ୟବସ୍ଥା ଢିଲା&lt;/span&gt;<br />ମୁମ୍ବାଇ ଏବଂ ବ୍ରହ୍ମପୁରର ଏହି ଦୁଇଟି ଘଟଣା ପଛରେ ସୁରକ୍ଷା ବ୍ୟବସ୍ଥା ଯେ ସମ୍ପୂର୍ଣ୍ଣ ଢ଼ିଲା। ତାହା ଯେ, କେହିବି କହିବ।</p><p>&lt;span style=&quot;color: #ff0000;&quot;&gt;ଆରଟିଆଇ ବଳରେ ଆସିଥିଲା ଚାଞ୍ଚଲ୍ୟକର ତଥ୍ୟ&lt;/span&gt;<br />ଘର ମାଲିକ ଏବଂ ଭଡ଼ାଟିଆ ମଧ୍ୟରେ ସମ୍ପର୍କ ଯାହା ଲକର୍ସକୁ ନେଇ ବ୍ୟାଙ୍କ ଏବଂ &nbsp;ଗ୍ରାହକଙ୍କ ମଧ୍ୟରେ ସମ୍ପର୍କ ସେଇୟା। ଲକର୍ସରେ ରଖାଯାଉଥିବା ସମ୍ପତ୍ତିକୁ ନେଇ ଏମିତି କିଛି ବୟାନ ଦେଇଥିଲେ &nbsp;କିଛି ବ୍ୟାଙ୍କ। ତେଣୁ ବ୍ୟାଙ୍କ ଲକର୍ସରେ ରଖିଥିବା କୌଣସି ମୂଲ୍ୟବାନ ସମ୍ପତ୍ତି &nbsp;କିମ୍ବା ସୁନା ଅଳଙ୍କାର ସାମଗ୍ରୀ ଯଦି କେବେ ଚୋରି ହୁଏ କିମ୍ବା କୌଣସି କାରଣରୁ ନଷ୍ଟ ହୁଏ ତେବେ ଏହା ଫେରିପାଇବା ଆଶା ବୃଥା।&nbsp; ଅର୍ଥାତ ଏ ବାବଦରେ କୌଣସି କ୍ଷତିପୂରଣ&nbsp; ମିଳିବ ନାହିଁ। ସେ ଜାତୀୟସ୍ତରୟ ହେଉକି ଘରୋଇ ବ୍ୟାଙ୍କ ଏହି ନିୟମ ସବୁଠି ସମାନ।&nbsp; ଆରଟିଆଇ ବଳରେ ଏହି &nbsp;ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଥିଲା। ଗତ କିଛିମାସ ତଳେ &nbsp;ଜଣେ ଓକିଲ ଆରଟିଆଇ ବଳରେ ଆରବିଆଇ ସମେତ ୧୯ଟି ବ୍ୟାଙ୍କକୁ ଏ ସମ୍ପର୍କରେ ତଥ୍ୟ ମାଗିଥିଲେ।</p><p>&lt;span style=&quot;font-size: 14pt; color: #ff6600;&quot;&gt;&lt;strong&gt;ଆହୁରି ମଧ୍ୟ ପଢନ୍ତୁ:&lt;/strong&gt;&lt;/span&gt;&nbsp;&lt;a title=&quot;View ଆପଣଙ୍କ ସ୍କୁଲ ପଢ଼ୁଆ ପିଲାର ଡାକ ଟିକଟ ସଂଗ୍ରହ ଅଭ୍ୟାସ ଅଛି କି ? ବର୍ଷକୁ ଆୟ କରିପାରିବେ ୬୦୦୦ ଟଙ୍କା, ଜାଣନ୍ତୁ କେମିତି&quot; href=&quot;&quot; rel=&quot;bookmark&quot;&gt;ଆପଣଙ୍କ ସ୍କୁଲ ପଢ଼ୁଆ ପିଲାର ଡାକ ଟିକଟ ସଂଗ୍ରହ ଅଭ୍ୟାସ ଅଛି କି ? ବର୍ଷକୁ ଆୟ କରିପାରିବେ ୬୦୦୦ ଟଙ୍କା, ଜାଣନ୍ତୁ କେମିତି&lt;/a&gt;</p><p>ଆଉ ଏହାର ଉତ୍ତରରେ ଉପରୋକ୍ତ ଜବାବ ଆସିଥିଲା। ଏହି ବ୍ୟାଙ୍କ ଗୁଡ଼ିକ ମଧ୍ୟରେ ଓରିଏଣ୍ଟାଲ ବ୍ୟାଙ୍କ ଅଫ୍&zwnj; କମର୍ସ, ପଞ୍ଜାବ ନ୍ୟାଶନାଲ ବ୍ୟାଙ୍କ, ୟୁକୋ ଏବଂ କାନାଡ଼ା ଆଦି ବ୍ୟାଙ୍କ ରହିଛି। ସେହିପରି &nbsp;ଆରବିଆଇର କହିବା ଅନୁଯାୟୀ, ଲକର୍ସରେ ଥିବା ସାମଗ୍ରୀ ଚୋରି କିମ୍ବା କିଛି କ୍ଷୟକ୍ଷତି ଘଟିଲେ ଗ୍ରାହକଙ୍କୁ ଏ ବାବଦରେ କ୍ଷତିପୂରଣ ଦେବା ପାଇଁ &nbsp;ବ୍ୟାଙ୍କକୁ ଆରବିଆଇ କୌଣସି ନିର୍ଦ୍ଦେଶ କିମ୍ବା ପରାମର୍ଶ ଜାରି କରି ନାହିଁ।</p><p>ସେହିପରି ବ୍ୟାଙ୍କମାନଙ୍କ କହିବା କଥା ହେଲା&nbsp; ଯେମିତି ଘର ମାଲିକ ଏବଂ ଭଡ଼ାଟିଆ ମଧ୍ୟରେ ସମ୍ପର୍କ&nbsp; ଠିକ୍&zwnj; ସେମିତି ଲକର୍ସକୁ ନେଇ ବ୍ୟାଙ୍କ ଏବଂ ଗ୍ରାହକଙ୍କ ମଧ୍ୟରେ ସମ୍ପର୍କ । &nbsp;ଏହାର ଅର୍ଥ ଲକର୍ସରେ ଥିବା ଜିନିଶର କିଛି ହେଲେ ଏଥିପାଇଁ ପରୋକ୍ଷରେ ଗ୍ରାହକ ହିଁ &nbsp;ଦାୟୀ। ଏପରିକି କିଛି ବ୍ୟାଙ୍କ ମଧ୍ୟ ଚୁକ୍ତି ବେଳେ ସବୁ ଦାୟିତ୍ୱ ଗ୍ରାହକଙ୍କ ଉପରେ ଛାଡ଼ି ଦିଅନ୍ତି। ମୋଟାମୋଟିଭାବେ କହିବାକୁ ଗଲେ ଚୋରି, ଲୁଟ୍&zwnj;, ଅରାଜକତା, ଭଙ୍ଗାରୁଜା ଭଳି ପରିସ୍ଥିତି ଉପୁଜିଲେ ଲକର୍ସରେ ଥିବା ସାମଗ୍ରୀ ପ୍ରତି ବ୍ୟାଙ୍କମାନେ ଦାୟୀ ନୁହଁନ୍ତି।</p><p>https://www.youtube.com/watch?v=X9u5dk8T2TA</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।