ଚକଡ଼ା ସହାୟତା ପାଇବ କିଏ ? ଚାଷୀ ନାଁ ଭାଗଚାଷୀ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଚକଡ଼ା ଲାଗିଲା, ଚାଷ ଗଲା। ଚାଷୀ ବି ଜୀବନ ହାରିଲେ। ଏହା ପରେ ସରକାର ପ୍ୟାକେଜ୍ ଘୋଷଣା କଲେ। ହେଲେ ଏ ସହାୟତା ପାଇବ କିଏ ତାକୁ ନେଇ ଏବେ ଉଠିବାରେ ଲାଗିଛି ପ୍ରଶ୍ନ। ସରକାର ଘୋଷଣା କରିଥିବା ପ୍ୟାକେଜ ପ୍ରକୃତ ଚାଷୀ ବା ଭାଗଚାଷୀଙ୍କ ପାଖରେ ପହଞ୍ଚିବ ନାଁ ଜମି ମାଲିକଙ୍କ ପକେଟକୁ ଯିବ ପ୍ରଶ୍ନ ହୋଇ ଛିଡା ହୋଇଛି। କାରଣ ୨୦୧୧ରୁ ଭାଗଚାଷୀଙ୍କୁ ସରକାରୀ ଭାଗ ଦେବାକୁ ଚାଲିଛି ବିଚାର ବିମର୍ଷ। ହେଲେ ଏ ପର୍ଯ୍ୟନ୍ତ ପକ୍କା ନୀତି ପ୍ରସ୍ତୁତ ହୋଇପାରୁନି।</p> <p>&lsquo;ଜବାବ ନ ମିଳିଲେ ଜୀବନ ଦେବି&rsquo;। ଖେତରେ ଠିଆ ହୋଇ ପ୍ରଶାସନ ଉଦ୍ଦେଶ୍ୟରେ ଏମିତି ଚରମ ବାଣୀ ଶୁଣାଇଥିଲେ ବରଗଡ ଚାଷୀ ବୃନ୍ଦାବନ ସାହୁ। ଜବାବ ମିଳିଲାନି, ଆଉ ଜୀବନ ହାରିଲେ ଭାଗଚାଷୀ ବୃନ୍ଦା। ଫସଲ ପୋଡି ପରେ ପ୍ରଶାସନ ବୃନ୍ଦାକୁ ଭରସା ଦେଇ ପାରିଲାନି ଯେ ପୋଡିଥିବା ଫସଲ ପାଇଁ କ୍ଷତିପୂରଣ ମିଳିବ। ନିଜ ଖେତରେ ଅଭିମାନର ନିଆଁ ଲଗାଇଥିବା ବୃନ୍ଦା ବାରମ୍ବାର ପଚାରିଥିଲା ଭାଗଚାଷୀ ଭାବରେ ତାକୁ କ୍ଷତିପୂରଣ ମିଳିବ କି ନାହିଁ। ହେଲେ ସନ୍ତୋଷଜନକ ଉତ୍ତର ଦେଇ ନଥିଲେ ତଦନ୍ତ ପାଇଁ ଆସିଥିବା ଟିମ୍&zwnj;।</p> <p>କେବଳ ଭାଗଚାଷୀ ବୃନ୍ଦା ନୁହଁନ୍ତି, ରାଜ୍ୟର ହଜାର ହଜାର ଭାଗଚାଷୀଙ୍କ ମନରେ ଏହି ପ୍ରଶ୍ନ ଉଙ୍କି ମାରୁଛି। ସରକାର ଘୋଷଣା କରିଥିବା ଚକଡ଼ା ପୋକ ପ୍ୟାକେଜ ସେମାନେ ପାଇବେ କେମିତି। ୨୦୧୫ର ମରୁଡି ସହାୟତା ଏବେ ବି କିଛି ଜିଲ୍ଲାରେ ଭାଗଚାଷୀ ପାଇନାହାଁନ୍ତି। ବରଗଡର ୯୩୮ ଗାଁର ୧ ଲକ୍ଷ ୩୭ ହଜାର ୫୮୦ ଚାଷୀ ମରୁଡିରେ ପ୍ରଭାବିତ ହୋଇଥିଲେ। ଏମାନଙ୍କୁ ମିଳିଛି ୯୦ କୋଟି ୮୭ ଲକ୍ଷ ୮୮ ହଜାର ୩୭୪ ଟଙ୍କା। ତେବେ କିଛି ସ୍ଥାନରେ ଭାଗଚାଷୀଙ୍କ ବଦଳରେ ଜମି ମାଲିକଙ୍କ ଖାତାକୁ ଯାଇଛି ସରକାରୀ ସହୟତା। ଏବେ ପ୍ରଶ୍ନ ଉଠୁଛି ଚକଡା ପୋକ ନଷ୍ଟ କରିଥିବା ଫସଲ ପାଇଁ ଭାଗଚାଷୀଙ୍କୁ ସରକାର କେମିତି ଟଙ୍କା ବାଣ୍ଟିବେ ? ସମବାୟ ମନ୍ତ୍ରୀ କହୁଛନ୍ତି, ପ୍ରକୃତ ଚାଷୀ ଟଙ୍କା ପାଇବେ। ରାଜସ୍ୱ ମନ୍ତ୍ରୀ କହୁଛନ୍ତି କମିଟି ଭାଗଚାଷୀଙ୍କୁ ଚିହ୍ନଟ କଲା ପରେ ଟଙ୍କା ମିଳିବ। ଏପରି ସ୍ଥିତିରେ ଭାଗଚାଷୀ କ୍ଷତିପୂରଣ ପାଇବେ କି ନାହିଁ ତାକୁ ନେଇ ଦୋଛକିରେ ରହିଛନ୍ତି।</p> <p>ଅନ୍ୟପକ୍ଷରେ ବିରୋଧୀ ଦଳମାନେ ମନ୍ତ୍ରୀଙ୍କ କଥାକୁ ସହଜରେ ଗ୍ରହଣ କରୁନାହାଁନ୍ତି। ପୂର୍ବ ପରି ଏଥର ବି ଭାଗଚାଷୀ ଜଳକା ପରି ଅନାଇ ରହିବେ ଓ ତାଙ୍କ ହାତକୁ କିଛି ଆସିବ ନାହିଁ ବୋଲି ଅଭିଯୋଗ କରିଛନ୍ତି।</p> <p>ଚକଡ଼ା କ୍ଷତିପୂରଣ ନେଇ କ&rsquo;ଣ କହୁଛନ୍ତି ନେତା ଓ ମନ୍ତ୍ରୀମାନେ ଦେଖନ୍ତୁ ଏହି ଭିଡିଓ।</p>