କୁନ୍ଦୁଲି କୋହ: କାଲି କ୍ଲିଅର, ଆଜି ଡାଉଟ୍…

<p>ଭୁବନେଶ୍ୱର/କୋରାପୁଟ୍&zwnj;: କୁନ୍ଦୁଲି ମାମଲାରେ ପୁଣି ଟୁଇଷ୍ଟ।&nbsp; କାଲି କହିଥିଲେ ଦୁଷ୍କର୍ମ ହୋଇନି। କିନ୍ତୁ ଆଜି ନାବାଳିକା ଗଣଦୁଷ୍କର୍ମ ଅଭିଯୋଗ ମାମଲାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି ସରକାର। &nbsp;ନାବାଳିକା ସହ ଦୁଷ୍କର୍ମ ହୋଇ ନ ଥିବା ଗତକାଲି ଏଚ୍&zwnj;ଆରପିସି ଏଡିଜି କହିଥିବା ବେଳେ ଆଜି ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦିଆଯିବାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ ସତକୁ ଲୁଚାଇବା ଲାଗି ସରକାର ଉଦ୍ୟମ କରୁଛନ୍ତି&nbsp; ବୋଲି ଅଭିଯୋଗ କରିଛି ବିଜେପି। ଅନ୍ୟପକ୍ଷରେ ବିଚାର ବିଭାଗୀୟ ତଦନ୍ତରୁ କିଛି ଫଳ ମିଳିବ ନାହିଁ ବୋଲି କଂଗ୍ରେସ କହିଛି। ଏହି ଘଟଣାର ବିଚାର ବିଭାଗୀୟ ତଦନ୍ତ ପାଇଁ &nbsp;ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ଜଣେ ଜିଲ୍ଲା ଜଜ୍ ଘଟଣାର ଯାଞ୍ଚ କରିବେ।&nbsp;&nbsp;କ୍ରାଇମବ୍ରାଞ୍ଚ ତଦନ୍ତ ସହିତ ସମାନ୍ତରାଳ ଭାବେ ବିଚାର ବିଭାଗୀୟ ତଦନ୍ତ ଚାଲିବ।</p><p>ତେବେ ନାବାଳିକାଙ୍କୁ ଦୁଷ୍କର୍ମ ହୋଇନାହିଁ ବୋଲି ଏଚ୍&zwnj;ଆରପିସି ଏଡିଜି କହିବାର ୨୪ ଘଣ୍ଟା ନପୁରୁଣୁ ସରକାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେବାକୁ ନେଇ ଟାର୍ଗେଟ୍ କରିଛନ୍ତି ବିରୋଧୀ ।ଯଦି ଦୁଷ୍କର୍ମ ହୋଇ ନାହିଁ ତେବେ ବିଚାର ବିଭାଗୀୟ ତଦନ୍ତର କ&rsquo;ଣ ଆବଶ୍ୟକତା ଅଛି ବୋଲି ପଚାରିଛି ବିଜେପି। ସରକାର ସତ୍ୟକୁ ଲୁଚାଇବାକୁ ଉଦ୍ୟମ କରୁଛନ୍ତି । ତେଣୁ ଘଟଣାର ସିବିଆଇ ତଦନ୍ତ କରାଯାଉ ବୋଲି ଦଳ ବରିଷ୍ଠ ନେତା ପ୍ରତାପ ଷଡଙ୍ଗୀ କହିଛନ୍ତି । ଅନ୍ୟପକ୍ଷରେ ବିଚାରବିଭାଗୀୟ ତଦନ୍ତରୁ କିଛି ଫଳ ମିଳିବ ନାହିଁ ବୋଲି କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି।ଦରକାର ହେଲେ ପୀଡ଼ିତାକୁ ନେଇ କଂଗ୍ରେସ ବିଧାନସଭା ନେଇ ପ୍ରତିବାଦ କରିବ ବୋଲି ସେ ଚେତାବନୀ ଦେଇଛନ୍ତି।</p><p>ସେପଟେ ସର୍ଟ ଷ୍ଟେ ହୋମ୍&zwnj;ରେ &nbsp;ଆଜି ପୀଡ଼ିତାଙ୍କୁ ଭେଟିଛନ୍ତି ତାଙ୍କ ପରିବାର ସଦସ୍ୟ। ପୀଡିତା ନିଜ ବାପା ଓ ଭାଇଙ୍କ ସହ କଥା ହେବାକୁ ଚାହୁଁଛନ୍ତି। &nbsp;ତେବେ ଏଥିଲାଗି ତାଙ୍କୁ ଅନୁମତି ମିଳୁ ନ ଥିବା ତାଙ୍କ ମା&rsquo; ଅଭିଯୋଗ କରିଛନ୍ତି। &nbsp;ଅନ୍ୟପକ୍ଷରେ ବିଚାର ବିଭାଗୀୟ ତଦନ୍ତ ହେଉ। କିନ୍ତୁ ପ୍ରକୃତ ସତ୍ୟ ପଦାକୁ ଆସିବା ଦରକାର ବୋଲି କହିଛନ୍ତି ପୀଡିତାଙ୍କ ଭାଇ। &nbsp;ସେ ଅଭିଯୋଗ କରିଛନ୍ତି, ପୋଲିସ ଡାକ୍ତରଙ୍କୁ&nbsp; ପଇସା ଦେଇ ମିଛ ରିପୋର୍ଟ ବାହାର କରିଛି। &nbsp;ସେଥିଲାଗି ପୀଡିତାଙ୍କର ଅନ୍ୟ ସ୍ଥାନରେ ପୁଣି ଥିରେ ଡାକ୍ତରୀ ମାଇନା କରାଇବାକୁ ସେ ଦାବି କରିଛନ୍ତି । ତେବେ ଏ ନେଇ ପୋଲିସ୍&zwnj; ପ୍ରତିକ୍ରିୟା ମିଳିପାରିନାହିଁ।</p><p>ଅନ୍ୟପକ୍ଷରେ ଏଚ୍&zwnj;ଆରପିସି ଏଡିଜି ଗତକାଲି ଦୁଷ୍କର୍ମ ଥିଓରୀଙ୍କୁ ଖଣ୍ଡନ କରିଥିବା ବେଳେ ସରକାର କେଉଁ ଆଧାରରେ ଆଜି ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଉଛନ୍ତି ପ୍ରଶ୍ନ ଉଠିଛି। &nbsp;ନିଜ ପୋଲିସ୍ ଉପରେ ରାଜ୍ୟ ସରକାରଙ୍କ ଭରସା ନାହିଁ ନା ବିରୋଧୀଙ୍କୁ ଚୁପ୍ କରିବାକୁ ଏହା ଏକ ଷ୍ଟ୍ରାଟେଜୀ ନା ଆଦିବାସୀ ଅନୁକମ୍ପା ସାଉଁଟିବାକୁ ଏହା ଏକ ପ୍ରୟାସ। ତାକୁ ନେଇ ଚାଲିଛି ଚର୍ଚ୍ଚା।</p><p>&amp;nbsp;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।