ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କାମାକ୍ଷାନଗର: (ଓଡ଼ିଶା ରିପୋର୍ଟର): ମୃତ୍ୟ। ଜୀବନର ଏହି ଅନ୍ତିମ ସମୟଟି କାହା ଭାଗ୍ୟରେ କେଉଁଠି ଉପନୀତ ହେବ ତାହା ଏକ ଅସମାହିତ ପ୍ରଶ୍ନ। ଏମିତିକି ମୃତ୍ୟୁମୁଖରେ ପଡ଼ିଥିବା ଜୀବଟି ଯେ, ନିଜର ଉଦ୍ଧାରକାରୀ ପାଇଁ ମୃତ୍ୟୁ ରୂପକ ଯମ ପାଲଟିପାରେ ତାହା ଶନିବାର ଘଟିଥିବା ଏକ ଅଭାବନୀୟ ଘଟଣାରୁ ପ୍ରମାଣିତ ହୋଇଛି। କୃତଜ୍ଞତାର ଫଳ ସୂରୁପ ମିଳିଛି କୃତଘ୍ନତାର ଜଘନ୍ୟ ପୁରସ୍କାର । ଏକ ଖାଲରେ ଫସିଥିବା ଦନ୍ତା ହାତୀଙ୍କୁ ବଞ୍ଚାବାକୁ ଯାଇଥିବା ଜଣେ ବନ କର୍ମଚାରୀଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି। ଫସି ଥିବା ଦନ୍ତାହାତୀତକୁ ଉଦ୍ଧାର କରିବାକୁ ଯାଇ ପ୍ରାଣ ହରାଇଛନ୍ତି ବନ କର୍ମଚାରୀ ।ଢେଙ୍କାନାଳ ବନଖଣ୍ଡ ଅଧିନ ପୁରୁଣାପାଣି ପଶି ଜଙ୍ଗଲରେ ଏହି ଅଘଟଣ ଘଟିଛି। ମହାବିରୋଡ୍ ରେଞ୍ଜ୍ ଦଦରାଘାଟି ଫରେଷ୍ଟ ରେଞ୍ଜରୁ ଚାଲି ଆସଥିବା ଏକ ଦନ୍ତାହାତୀ ପୁରୁଣାପାଣି ପଶିରେ ଏକ ଖାଲରେ ଫସି ଯାଇଥିଲା।</p> <p>ପାଣି କାଦୁଅରୁ ହାତୀଟି ଉପରକୁ ଉଠି ପାରୁ ନ ଥିବା ଖବର ପାଇ ମହାବିରୋଡ୍ ରେଞ୍ଜର ରେଞ୍ଜର ଓ ଅନ୍ୟ କର୍ମଚାରୀମାନେ ଘଟଣାସ୍ଥଳକୁ ଯାଇଥିଲେ । ହାତୀକୁ ଉଦ୍ଧାର ପାଇଁ ଚେଷ୍ଟା କରାଯାଉଥିବା ବେଳେ ହାତୀଟି ଗତରେଇ ବିଟ୍ର ଫରେଷ୍ଟ ଗାର୍ଡ୍ ଗିରିଶ ବିଶ୍ୱାଳଙ୍କୁ ଆକ୍ରମଣ କରିବା ସହ ପାଦରେ ଦଳି ଦେଇଥିଲା । ଫଳରେ ଘଟଣାସ୍ଥଳରେ ଗିରିଶଙ୍କ ମୃତ୍ୟୁ ହୋଇ ଥିଲା। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ପ୍ରବଳ ଉତ୍ତେଜନା ପ୍ରକାଶ ପାଇଛି । ଲୋକେ ରେଞ୍ଜରଙ୍କୁ ଅଟକ ରଖିବା ସହ ହାତୀ ଘଉଡ଼ାଇବାକୁ ଦାବି କରିଛନ୍ତି। ସେପଟେ ଦନ୍ତାଟି ଏବେ ଖାଲରୁ ଉଠି ସ୍ଥାନୀୟ ଅଞ୍ଚଳରେ ମାତି ଥିବାରୁ ଲୋକେ ଭୟଭୀତ ଅବସ୍ଥାରେ ଅଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
