ଲାଞ୍ଚୁଆ ଥାନା ବାବୁଙ୍କ କାରନାମା: ଧରାପଡିବା ପରେ ପାଟିରେ ପୂରାଇ ଦେଲେ ଟଙ୍କା

<p>କଳାହାଣ୍ଡି/ସମ୍ବଲପୁର/ନବରଙ୍ଗପୁର (ଓଡ଼ିଶା ରିପୋର୍ଟର): ଲାଞ୍ଚ ନେବା ବେଳେ ଭିଜିଲାନ୍ସ ଜାଲରେ ପଡିଛନ୍ତି କଳାହାଣ୍ଡି ଜିଲ୍ଲା କେଗାଁ ଥାନା ଆଇଆଇସି ସମୀର ରାଉତ ଓ ଏଏସ୍&zwnj;ଆଇ ଟଙ୍କଧର ବୁଧିଆ।</p> <p>ଏକ ମାମଲାକୁ ରଫା ଦଫା କରିବା ଲାଗି ଦୁହେଁ କେଗାଁ ଥାନା ମକରାଗୁଡା ଗାଁର ଗଙ୍ଗା ନାଗଙ୍କୁ ୧୫୦୦ ଟଙ୍କା ଲାଞ୍ଚ ମାଗିଥିଲେ। ଗଙ୍ଗା ଏ ସମ୍ପର୍କରେ ଭିଜିଲାନ୍ସ ଅଧିକାରୀଙ୍କୁ ଜଣାଇଥିଲେ। ଯୋଜନା ଅନୁସାରେ ଗଙ୍ଗା ଆଜି ଥାନା ବାବୁ ଏବଂ ଏଏସଆଇଙ୍କୁ ୧୫୦୦ ଟଙ୍କା ଦେଉଥିବା ବେଳେ ଭିଜିଲାନ୍ସ ଡିଏସ୍&zwnj;ପି ସତ୍ୟବାନ ମହାନନ୍ଦଙ୍କ ନେତୃତ୍ୱରେ ଏକ ଟିମ୍ ଦୁଇ ଜଣଙ୍କୁ କାବୁ କରିଥିଲେ।</p> <p>ଭିଜିଲାନ୍ସ ଅଧିକାରୀଙ୍କୁ ଦେଖି ଥାନାବାବୁ ଲାଞ୍ଚ ଟଙ୍କା ନୋଟକୁ ପାଟିରେ ପୂରାଇ ଦେଇଥିବା ଜଣାପଡିଛି। ଭିଜିଲାନ୍ସ ଅଧିକାରୀମାନେ ଉଭୟଙ୍କୁ ଭବାନୀପାଟଣା ଭିଜିଲାନ୍ସ କାର୍ଯ୍ୟାଳୟକୁ ନେଇ ପଚରାଉଚୁରା କରୁଛନ୍ତି।</p> <p>ସେହିପରି ସମ୍ବଲପୁର ଜିଲ୍ଲା କୁଚିଣ୍ଡା ସବ୍&zwnj;ଡିଭିଜନ ବାମରା ତହସିଲ ଅଫିସର ମୁଖ୍ୟ କିରାଣୀ ପ୍ରକାଶ ଚନ୍ଦ୍ର ସିଂଙ୍କୁ ଲାଞ୍ଚ ନେବା ଅଭିଯୋଗରେ ଭିଜିଲାନ୍ସ ଗିରଫ କରିଛି। ଜମି ପଟ୍ଟା କରି ଦେବା ଲାଗି ବାମରାର ଜଣେ ହିତାଧିକାରୀଙ୍କଠାରୁ ୨୦୦୦ ଟଙ୍କା ନେବା ବେଳେ ସେ ଭିଜିଲାନ୍ସ ହାତରେ ଧରାପଡିଥିଲେ।</p> <p>ନବରଙ୍ଗପୁର ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟର ମୁଖ୍ୟ କିରାଣୀ ଗୁପ୍ତ ପ୍ରସାଦ ରଥ ମଧ୍ୟ ଭିଜିଲାନ୍ସ ହାବୁଡରେ ପଡିଛନ୍ତି।&nbsp; ଚନ୍ଦାହାଣ୍ଡି ବ୍ଲକ ଜମାଦାରପଡାର ସ୍କୁଲ ଶିକ୍ଷକ ଗଣେଶ୍ୱର ନାୟକଙ୍କ ନିଲମ୍ବିତ ଅବଧିର ବକେୟା ଦରମା ମଞ୍ଜୁର କରାଇବା ଲାଗି ୫୦୦୦ ଟଙ୍କା ଲାଞ୍ଚ ନେଉଥିବା ବେଳେ ସେ ଧରାପଡିଛନ୍ତି।</p>