ପାଇଖାନା ଜୀବନରୁ ମୁକ୍ତି; ଘର ଦେଲା ପ୍ରଶାସନ

<p>କାମାକ୍ଷାନଗର: ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ୍ ମୋଟା ଗାଁର ବାସିନ୍ଦା କୁଣ୍ଡି ରାଉତଙ୍କ ଦୁଃଖ ଦୂର ହୋଇଛି। କୁଣ୍ଡି ଆଉ ପାଇଖାନାରେ ରହିବେ ନାହିଁ। ଖୁବ୍&zwnj;ଶୀଘ୍ର ସେ ତାଙ୍କ ପାଇଁ ଘରଟିଏ ତିଆରି କରିବେ। ବିଜୁ ପକ୍କା ଘରଟିଏ ନିର୍ମାଣ କରିବା ପାଇଁ ପ୍ରଶାସନ ପକ୍ଷରୁ ତାଙ୍କୁ କାର୍ଯ୍ୟାଦେଶ ଦିଆଯାଇଛି।</p> <p>କାମାକ୍ଷାନଗର ବିଡିଓ ଓ ସାରୁଆଳି ସରପଞ୍ଚ ପ୍ରମୁଖ ମୋଟା ଗାଁକୁ ଯାଇ କୁଣ୍ଡିଙ୍କ ଅବସ୍ଥା ଦେଖିବା ସହ ତାଙ୍କୁ ବିଜୁ ପକ୍କାଘର କାର୍ଯ୍ୟାଦେଶ ଦେଇଛନ୍ତି। ଘର ନ ଥିବାରୁ ପାଇଖାନା ଘରେ ଚଳୁଛନ୍ତି କୁଣ୍ଡି। କିଛି ଦିନ ପୂର୍ବରୁ ଏହି ଖବର ଓଟିଭିରେ ପ୍ରସାରଣ ହୋଇଥିଲା। ଏହାପରେ&nbsp; ପ୍ରଶାସନ ସାହାଯ୍ୟର ହାତ ବଢ଼ାଇଛି।</p> <p>ସୂଚନାଯୋଗ୍ୟ, ମୋଟା ଗାଁର କୁଣ୍ଡି ରାଉତଙ୍କ ମାଟି ଓ ଚାଳ ଛପର ଘରଟି ସଂପୂର୍ଣ୍ଣ ଭାଙ୍ଗି ଯାଇଛି। ଏହାର ମରାମତି କରିବାକୁ ତାଙ୍କ ପାଖରେ ପଇସା ନ ଥିଲା। ଘର ଖଣ୍ଡେ ପାଇଁ ପଞ୍ଚାୟତ କାର୍ଯ୍ୟାଳୟଠାରୁ ଆରମ୍ଭ କରି ବ୍ଲକ ପର୍ଯ୍ୟନ୍ତ ଦୌଡ଼ି ଦୌଡ଼ି ଥକି ପଡ଼ିଥିଲେ କୁଣ୍ଡି। ହେଲେ କେହି ତାଙ୍କ ଗୁହାରି ଶୁଣି ନଥିଲେ। ନିରୂପାୟ ହୋଇ କୁଣ୍ଡି ଶେଷରେ ନିଜ ପାଇଖାନା ଘରେ ଆଶ୍ରା ନେଇଥିଲେ। ଯେଉଁଠି ଦିନେ ସେ ଶୌଚ ହେଉଥିଲେ, ତାହା ତାଙ୍କ ଘରରେ ପରିଣତ ହୋଇଗଲା।</p>