କେନ୍ଦ୍ର ସରକାରଙ୍କ ଏକ ବର୍ଷ ପୂର୍ତ୍ତି: ୨୭ରେ ଓଡ଼ିଶା ଆସିବେ କେନ୍ଦ୍ରମନ୍ତ୍ରୀ ଭେଙ୍କୟା ନାୟିଡୁ

ଭୁବନେଶ୍ୱର: ମୋଦି ସରକାରଙ୍କର ଏକ ବର୍ଷ ପୂର୍ତ୍ତି ପାଇଁ ଆସନ୍ତା ୨୬ରେ  ରାଜ୍ୟବ୍ୟାପି ବିଜେପି ପକ୍ଷରୁ ବିଭିନ୍ନ ସ୍ଥାନରେ ସଭା ଆୟୋଜନ କରାଯାଉଛି। ଆସନ୍ତା ୨୭ ତାରିଖରେ ଆୟୋଜିତ କାର୍ଯ୍ୟକ୍ରମରେ କେନ୍ଦ୍ର ନଗର ଉନ୍ନୟନ ତଥା ସଂସଦୀୟ ବିଭାଗ ମନ୍ତ୍ରୀ ଏମ. ଭେଙ୍କୟା ନାୟିଡୁ ଯୋଗ ଦେବେ । ବ୍ରହ୍ମପୁରରେ ବିଜେପି କେନ୍ଦ୍ରୀୟ ଉପ ସଭାପତି ପୁରୁଷୋତ୍ତମ ରୁପାଲା, ନିମାପଡାଠାରେ ପେଟ୍ରୋଲିୟମ ବିଭାଗ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ,ବାଲେଶ୍ୱରରେ ବରିଷ୍ଠ ବିଜେପି ନେତା ବିଜୟ ମହାପାତ୍ର ଏବଂ  ନୂଆପଡାରେ ବିଜେପି ବିଧାୟକ ନେତା ବସନ୍ତ ପଣ୍ଡା କାର୍ଯ୍ୟକ୍ରମରେ ଯୋଗଦେବାର କାର୍ଯ୍ୟକ୍ରମ ରହିଛି। ସେହିଭଳି ରାଜ୍ୟ ସଭାପତି କନକ ବର୍ଦ୍ଧନ ସିଂଦେଓ ଏବଂ କେନ୍ଦ୍ର ଆଦିବାଦୀ ଉନ୍ନୟନ ବିଭାଗ ମନ୍ତ୍ରୀ ଜୁଏଲ ଓରାମ ପଶ୍ଚମ ଓଡିଶାରେ ବିଭିନ୍ନ ସଭାରେ ଯୋଗ ଦେବା କାର୍ଯ୍ୟକ୍ରମ ରହିଛି।