କେନ୍ଦ୍ରାପଡ଼ାରେ ଓକିଲଙ୍କୁ ପୋଲିସର ମାଡ଼ ଘଟଣା: ୧୦ରେ ରାଜ୍ୟବ୍ୟାପୀ ଆନ୍ଦୋଳନ

କଟକ: ବାବା ସାରଥୀ ପ୍ରସଙ୍ଗରେ ବିକ୍ଷୋଭ ପ୍ରଦର୍ଶନ ବେଳେ କେନ୍ଦ୍ରାପଡ଼ାରେ ଜଣେ ଆଇନଜୀବୀଙ୍କ ବିରୋଧରେ ପୋଲିସ୍ କାର୍ଯ୍ୟାନୁଷ୍ଠାନକୁ ରାଜ୍ୟ ଓକିଲ ସଂଘ ବିରୋଧ କରିଛି। ପ୍ରତିବାଦରେ ରାଜ୍ୟବ୍ୟାପୀ ଆନ୍ଦୋଳନ ଡାକରା ଦେଇଛି ଓଡ଼ିଶା ଲୟର ଆସୋସିଏସନ୍। ଆସନ୍ତା ୧୦ ତାରିଖରେ ରାଜ୍ୟ ଓକିଲ ସଂଘ ପକ୍ଷରୁ ଆନ୍ଦୋଳନ ଡାକରା ଦିଆଯାଇଛି। ଏହି ଆନ୍ଦୋଳନରେ ରାଜ୍ୟର ସବୁ ଜିଲ୍ଲାର ବାର୍ ଆସୋସିଏସନ୍ ସାମିଲ ହେବେ। ହାଇକୋର୍ଟ ବାର୍ ଆସୋସିଏସନ୍ ମଧ୍ୟ ସୋମବାର କାର୍ଯ୍ୟ ବନ୍ଦ କରିବା ସହ କେନ୍ଦ୍ରାପଡ଼ାକୁ ଏକ ଫ୍ୟାକ୍ଟ ଫ।ଇଣ୍ଡିଂ ଟିମ୍ ପଠାଇବ। ଆଜି କେନ୍ଦ୍ରାପଡ଼ାରେ ସାରଥୀ ବାବାଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ ବେଳେ ପୋଲିସ ଜଣେ ଆଇନଜୀବୀଙ୍କୁ ମାଡ଼ ମାରିବା ଅଭିଯୋଗ ହୋଇଥିଲା। ଏହାକୁ ନେଇ ଓକିଲ ସଂଘ ପ୍ରତିବାଦ କରିବା ସହ ଅନ୍ଦୋଳନ ଡାକରା ଦେଇଛି।