ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ଖୋର୍ଦ୍ଧା-ବଲାଙ୍ଗିର ରେଳ ପ୍ରକଳ୍ପରେ ବିଳମ୍ବ ପାଇଁ ରେଳବାଇକୁ ରାଜ୍ୟ ସରକାର ଟାର୍ଗେଟ କରିବାର ୨୪ ଘଣ୍ଟା ନ ପୂରୁଣୁ ଓଡ଼ିଶା ସରକାରଙ୍କ ଉପରେ ପାଲଟା ଦୋଷ ଦେଇଛି ରେଳବାଇ। ବିଭାଗ ପକ୍ଷରୁ କୁହାଯାଇଛି ଯେ- “ଏହି ପ୍ରକଳ୍ପ ପାଇଁ ଜମି ଅଧିଗ୍ରହଣ ହିଁ ଏକମାତ୍ର ସମସ୍ୟା। ଜମି ମିଳିଗଲେ ମାତ୍ର ୩ ବର୍ଷ ଭିତରେ କାମ ସରିଯିବ। ଏହି କାମ ପାଇଁ ଇଷ୍ଟକୋଷ୍ଟ ରେଲୱେ ଆବଶ୍ୟକ ମାନବ ସମ୍ବଳ ଓ ଅନ୍ୟ ସାମଗ୍ରୀ ସହ ସବୁ ଭିତ୍ତିଭୂମି ପ୍ରସ୍ତୁତ କରି ରଖିଛି।”</p> <p>ବିଭାଗ ପକ୍ଷରୁ ଆହୁରି କୁହାଯାଇଛି- ଖୋର୍ଦ୍ଧା ରୋଡ଼ରୁ ନୟାଗଡ଼ ଟାଉନ୍ ପର୍ଯ୍ୟନ୍ତ ୬୬ କିଲୋମିଟର ରେଳ ଲାଇନ୍ କାମ ସରି ଯାଇଛି। ୭୫ କିଲୋମିଟର ପର୍ଯ୍ୟନ୍ତ କାମ ଆଗେଇଛି। ବୌଦ୍ଧ ଓ ସୋନପୁର ଜିଲ୍ଲାରେ ଜମି ଅଧିଗ୍ରହଣରେ ଅହେତୁକ ମନ୍ଥରତା ଦେଖାଦେଇଛି। ନୟାଗଡ଼ରେ ୧୪୭ ଏକର ସହ ବୌଦ୍ଧ ଓ ସୋନପୁର ଜିଲ୍ଲାରେ ୧୪ଶହ ଏକର ଜଙ୍ଗଲ ଜମିର ଆବଶ୍ୟକତା ରହିଛି।”</p> <p>ପ୍ରଶାସନିକ ଉଦାସୀନତା କାରଣରୁ ଏହି କାର୍ଯ୍ୟ ସମ୍ପାଦନ ହୋଇପାରୁ ନ ଥିବା ଅଭିଯୋଗ କରିଛି ରେଳବାଇ। ଜମି ପ୍ରଦାନ ପାଇଁ ସରକାର ପ୍ରତିଶ୍ରୁତି ଦେଉ ନଥିବା ମଧ୍ୟ ଅଭିଯୋଗ କରିଛି ରେଳ ବିଭାଗ।</p> <p>କେନ୍ଦ୍ର ସରକାର ଖୋର୍ଦ୍ଧା-ବଲାଙ୍ଗିର ରେଳ ପ୍ରଳଳ୍ପ ପାଇଁ ଆଗ୍ରହ ଦେଖାଉ ନ ଥିବା ଦିନକ ତଳେ ଅଭିଯୋଗ କରିଥିଲେ ନୟାଗଡ଼ ବିଧାୟକ ତଥା ପୂର୍ବତନ ମନ୍ତ୍ରୀ ଅରୁଣ ସାହୁ। ଏହାପରେ ସିଧା ରାଜ୍ୟ ସରକାରକୁ ପାଲଟା ଦୋଷ ଦେଇଛି ରେଳ ବିଭାଗ।</p> <p><strong>ସେପଟେ</strong> <strong>ଜମି</strong> <strong>ଅଧିଗ୍ରହଣ</strong> <strong>ଓ</strong> <strong>ଜଙ୍ଗଲ</strong> <strong>ବିଭାଗର</strong> <strong>ଅନୁମତିରେ</strong> <strong>ଡେରି</strong> <strong>ଯୋଗୁଁ</strong> <strong>ରାଜ୍ୟର</strong> <strong>ବହୁ</strong> <strong>ରେଳ</strong> <strong>ପ୍ରକଳ୍ପ</strong> <strong>ବିଳମ୍ବ</strong> <strong>ହେଉଛି।</strong> <strong>ତୁରନ୍ତ</strong> <strong>ଏହାର</strong> <strong>ସମାଧାନ</strong> <strong>କରି</strong> <strong>ରାଜ୍ୟ</strong> <strong>ସରକାର</strong> <strong>ନିଜ</strong> <strong>ପ୍ରତିଶ୍ରୁତି</strong> <strong>ମୁତାବକ</strong> <strong>ଜମି</strong> <strong>ଯୋଗାଇ</strong> <strong>ଦିଅନ୍ତୁ</strong> <strong>ବୋଲି</strong> <strong>ପେଟ୍ରୋଲିୟମ</strong> <strong>ମନ୍ତ୍ରୀ</strong> <strong>ଧର୍ମେନ୍ଦ୍ର</strong> <strong>ପ୍ରଧାନ କହିଛନ୍ତି</strong><strong>।</strong><strong>ଦିଲ୍ଲୀରେ</strong> <strong>ବିଭିନ୍ନ</strong> <strong>ରେଳ</strong> <strong>ପ୍ରକଳ୍ପର</strong> <strong>ସମୀକ୍ଷା</strong> <strong>ପରେ</strong> <strong>ଟ୍ୱିଟ୍‌</strong> <strong>କରି</strong> <strong>ଏହା</strong> <strong>ଲେଖିଛନ୍ତି</strong> <strong>ଧର୍ମେନ୍ଦ୍ର।</strong> <strong>ନୂଆ</strong> <strong>ଟ୍ରାକ୍</strong><strong>, </strong><strong>ବିଦ୍ୟୁତକରଣ</strong><strong>, </strong><strong>ଯାତ୍ରୀଙ୍କ</strong> <strong>ପାଇଁ</strong> <strong>ବିଭିନ୍ନ</strong> <strong>ସୁବିଧା</strong> <strong>ଓ</strong> <strong>ଭବିଷ୍ୟତ</strong> <strong>ଯୋଜନା</strong> <strong>ସଂପର୍କରେ</strong> <strong>ସେ</strong> <strong>ରେଳ</strong> <strong>ବୋର୍ଡର</strong> <strong>ଅଧିକାରୀଙ୍କ</strong> <strong>ସହିତ</strong> <strong>ଆଲୋଚନା</strong> <strong>କରିଥିଲେ।</strong><strong> </strong><strong>ଓଡ଼ିଶାର</strong> <strong>ବିକାଶ</strong> <strong>ଲାଗି</strong> <strong>ଚାଲିଥିବା</strong> <strong>ପ୍ରକଳ୍ପକୁ</strong> <strong>ତ୍ୱରାନ୍ୱିତ</strong> <strong>କରିବା</strong> <strong>ସହିତ</strong> <strong>ଭିତ୍ତିଭୂମିର</strong> <strong>ସଂପ୍ରସାରଣ</strong> <strong>ଦରକାର</strong> <strong>ବୋଲି</strong> <strong>ଧର୍ମେନ୍ଦ୍ର</strong> <strong>ପ୍ରଧାନ</strong> <strong>ଟ୍ୱିଟ୍</strong> <strong>କରିଛନ୍ତି।</strong></p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
