ରେଢ଼ାଖୋଲ(ରମାକାନ୍ତ ମହାନନ୍ଦ): ସ୍ୱାମୀ ମୃତ କି ଜୀବିତ ସ୍ପଷ୍ଟ ହୋଇନି, ମିଳି ନାହିଁ ମୃତଦେହ। କିନ୍ତୁ ସରିଗଲାଣି ଶୁଦ୍ଧି କ୍ରିୟା । ସାମାଜିକ ପରମ୍ପରା ଚାପରେ ସ୍ତ୍ରୀକୁ ପୋଛିବାକୁ ପଡ଼ିଛି ନିଜ ମଥାର ସିନ୍ଦୂର। ପୁଅକୁ ବି ଲଣ୍ଡା ହେବାକୁ ପଡ଼ିଛି । ନିଖୋଜଙ୍କ ଫେରିବା ବାଟକୁ ଅନାଇ ପରିବାର ଲୋକେ ଲୁହ ଗଡ଼ାଉଥିବା ବେଳେ ଜାତି ସମାଜ ଲୋକେ କିନ୍ତୁ ଖାଇଛନ୍ତି ଦଶାହ ଭୋଜି। ଏଭଳି ଅଭାବନୀୟ ଘଟଣା ସମ୍ବଲପୁର ଜିଲ୍ଲା ରେଢାଖୋଲ କଦଳୀଗଡ଼ ପଞ୍ଚାୟତରେ ଘଟିଛି ।
ଗାଁର ୬୦ ବର୍ଷୀୟ ଭୀମସେନ ପ୍ରଧାନ ଗତ ଜୁନ ୨୧ରେ ଘର ପାଖ କେରାଣ୍ଡି ନାଳକୁ ମାଛ ମାରିବାକୁ ଯାଇ ନିଖୋଜ ହୋଇଯାଇଥିଲେ । ପରିବାର ଲୋକେ, ପୁଲିସ୍, ଦମକଳ ବାହିନୀ, ଗ୍ରାମବାସୀ ମିଶି ଦୁଇ ଦିନ ଖୋଜାଖୋଜି କରିବା ପରେ ବି କୌଣସି ପତ୍ତା ମିଳିନଥିଲା । ୫ ଦିନ ପରେ ଭୀମସେନ ସାଙ୍ଗରେ ନେଇଥିବା ମାଛ ଜାଲ ନାଳରୁ ମିଳିବା ପରେ ପରିବାର ଲୋକେ ଜାଲକୁ ଚିହ୍ନଟ କରିଥିଲେ ।
ଏହାପରେ ଭୀମସେନଙ୍କୁ ଜାତି ସମାଜ ଲୋକେ ମୃତ ଘୋଷଣା କରିବା ସହ ଶୁଦ୍ଧି ହେବାକୁ ପରିବାର ଲୋକଙ୍କୁ କହିଥିଲେ । ଫଳରେ ନିଖୋଜ ଥିବା ଭୀମସେନଙ୍କ କ୍ରିୟାକର୍ମ କରିବା ସହ ତାଙ୍କ ସ୍ତ୍ରୀ ମଥାରୁ ସିନ୍ଦୁର ପୋଛିଛନ୍ତି। ସାମାଜିକ ବାସନ୍ଦ ଭୟରେ ଶୁଦ୍ଧି କ୍ରିୟା କରିଥିବା ପରିବାର ଲୋକେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
