ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ:ଶ୍ରୀମନ୍ଦିରରେ ବିକ୍ରି ହେଉଛି ଅଶୁଦ୍ଧ ଘିଅ । ପ୍ରଶାସନ ପକ୍ଷରୁ ଯାଞ୍ଚ ବେଳେ ଆସିଛି ଏମିତି ସାଂଘାତିକ ଚିତ୍ର । ଗତକାଲି ପୁରୀ ଜିଲ୍ଲାପାଳ ଏବଂ ମୁଖ୍ୟ ପ୍ରଶାସକ ମନ୍ଦିରରେ ଯାଞ୍ଚ କରୁଥିବା ବେଳେ କେତେକ ଦୋକାନୀ ନିମ୍ନମାନର ଘିଅ ବିକ୍ରି କରୁଥିବା ଧରାପଡ଼ିଥିଲା। ଏହି ଅଶୁଦ୍ଧ ଘିଅକୁ ଜିଲ୍ଲାପାଳ ଜବତ କରିଛନ୍ତି। ସେହିପରି ଶୁଦ୍ଧଘିଅ ବିକ୍ରି ପାଇଁ ସେ କଡା ନିର୍ଦ୍ଦେଶ ଦେଇଛନ୍ତି। ।</p> <p>ଗତକାଲି ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ ଜେନା ,ପୁରୀ ଜିଲ୍ଲାପାଳ ଅରବିନ୍ଦ ଅଗ୍ରୱାଲ କିଛି ଦୀପ ଦୋକାନ ଯାଞ୍ଚ କରିଥିଲେ ।କେତେକ ଦୋକାନୀ ପୁରୁଣା ଘିଅ ବିକ୍ରି କରୁଥିବା ଦେଖାଯାଇଥିଲା । ଏଣୁ ଏହାକୁ ଜବତ ମଧ୍ୟ କରାଯାଇଥିଲା । ଗତ ୩ତାରିଖରୁ ଶ୍ରୀମନ୍ଦିରରେ ଶୁଦ୍ଧ ଘିଅ ବିକ୍ରି କରାଯିବା ପାଇଁ ନିର୍ଦ୍ଦେଶ ଦିଆଯାଇଥିଲା। ସେଥିପାଇଁ ଦୋକାନୀମାନଙ୍କୁ ରିହାତି ମୂଲ୍ୟରେ ଓମ୍‌ଫେଡ ଘିଅ ଯୋଗାଇଦିଆଯାଉଛି।</p> <p>କିନ୍ତୁ କିଛି ଦୋକାନୀ ଏହି ନିୟମକୁ ଉଲ୍ଲଂଘନ କରିଥିବାରୁ ଏହାକୁ ଯାଞ୍ଚ କରାଯାଇଥିଲା ବୋଲି ଜିଲ୍ଲାପାଳ କହିଛନ୍ତି । ତେବେ ଶୁଦ୍ଧ ଓମ୍‌ଫେଡ ଘିଅ ବିକ୍ରି କରିବାକୁ ଜିଲ୍ଲାପାଳ ଦୋକାନୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ଅନ୍ୟପଟେ ଆଜିଠାରୁ ଆନନ୍ଦବଜାରରେ ବ୍ୟବସ୍ଥିତ ଢଙ୍ଗରେ ଅବଢା ବିକ୍ରି ପକ୍ରିୟା ଆରମ୍ଭ ହୋଇଛି । ସୁଆର ମହାସୁଆର ମାନଙ୍କୁ ଏହି ନିୟମ ପାଳନ ପାଇଁ ନିର୍ଦ୍ଦେଶ ଦିଆଯାଇଛି ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
