ମୋହନା(ମିହିର ଯତୀ): ବ୍ରହ୍ମପୁର ଚାଲାଣ ବେଳେ ୯ ଲକ୍ଷ ଟଙ୍କା ଗଞ୍ଜେଇ ଜବତ କରିଛି ଗଜପତି ଜିଲ୍ଲା ମୋହନା ଥାନା ପୁଲିସ। ଏହି ଘଟଣାରେ ଭାଲିଆଗଣ୍ଡା ଗାଁର ଥୋମାସ ନାୟକକୁ ପୁଲିସ ଗିରଫ କରିଛି। ତେବେ କେତେଦିନ ଧରି ଏପରି ଚୋରା ଗଞ୍ଜେଇ ଚାଲାଣ ଚାହାଥିଲା, ତାହା ଉପରେ ପୁଲିସ ତଦନ୍ତ ଆରମ୍ଭ କରିଛି।
ଥୋମାସ ନାୟକ ୭ଟି ଜରି ବସ୍ତାରେ ଗଞ୍ଜେଇ ଭର୍ତ୍ତିକରି ବ୍ରହ୍ମପୁର ଚାଲାଣ ପାଇଁ ବସ୍କୁ ଅପେକ୍ଷା କରିଥିଲେ। ତେବେ ଏହି ସମୟରେ ବାରିଆବନ୍ଧ ଅଞ୍ଚଳରେ ପାଟ୍ରୋଲିଂ କରୁଥିବା ପୁଲିସର ନଜର ବସ୍ତା ଉପରେ ପଡ଼ିଥିଲା। ପରେ ଯାଞ୍ଚ କରିବାରୁ ବସ୍ତା ଭିତରୁ ଗଞ୍ଜେଇ ବାହାରିଥିଲା। ଯାହା ଓଜନ ୧୮୦ କେଜି ହେବ। ଆନୁମାନିକ ମୂଲ୍ୟ ୯ ଲକ୍ଷ ଟଙ୍କା ହେବ ବୋଲି ଜଣାପଡିଛି। ପୁଲିସ ଏ ସଂକ୍ରାନ୍ତରେ ଏକ ମାମଲା ରୁକୁ କରି ଅଭିଯୁକ୍ତ ଥୋମାସକୁ କୋର୍ଟ ଚାଲାଣ କରିଛି।