ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର/ସମ୍ୱଲପୁର(ଓଡ଼ିଶା ରିପୋର୍ଟର): ଦିନକୁ ଦିନ ଜହର ପାଲଟୁଛି ମହାନଦୀ ଜଳ। କେଉଁଠି ସହରାଞ୍ଚଳର ନିର୍ଗତ ନର୍ଦ୍ଦମା ପାଣି ତ, ଆଉ କେଉଁଠି କଳକାରଖାନାର ବର୍ଜ୍ୟବସ୍ତୁ ନଦୀରେ ମିଶିଲାଣି। ପିଇବା ତ ଦୂରର କଥା, ଚାଷ ପାଇଁ ବି ଅନୁପଯୋଗୀ ହୋଇପଡିଲାଣି ନଦୀ ଜଳ। ନଦୀ ଜଳ ପ୍ରଦୂଷଣ ନେଇ ଗତକାଲି ବିଧାନସଭାରେ ପଚରାଯାଇଥିବା ପ୍ରଶ୍ନର ଏଭଳି ଉତ୍ତର ରଖିଛନ୍ତି ଖୋଦ୍‌ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ।</p> <p>ମହାନଦୀ ଜଳ କିଛି ସ୍ଥାନରେ ପ୍ରଦୂଷିତ ହେଉଥିବା ନେଇ ଗତକାଲି ବିଧାନସଭାରେ ସୂଚନା ଦେଇଥିଲେ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ। ନଦୀ ଜଳ ପ୍ରଦୂଷଣ ନେଇ ବିଧାୟକ ଦିଲୀପ ରାୟଙ୍କ ପ୍ରଶ୍ନର ଉତ୍ତରରେ ମନ୍ତ୍ରୀ କହିଥିଲେ ସମ୍ବଲପୁର, ସୁବର୍ଣ୍ଣପୁର, କଟକ, ଭୁବନେଶ୍ୱର ଓ ପାରାଦୀପ ଅଞ୍ଚଳରେ ବିଭିନ୍ନ କାରଖାନାର ବର୍ଜ୍ୟବସ୍ତୁ ମହାନଦୀ ଓ ଏହାର ଶାଖା ନଦୀରେ ମିଶୁଛି। ନଦୀର ପ୍ରାୟ ୫୫ଟି ସ୍ଥାନରେ ଜଳର ଗୁଣାତ୍ମକ ମାନ ନିୟମିତ ପରୀକ୍ଷା କରାଯାଉଛି। ନଦୀ ଗୁଡିକୁ ପ୍ରଦୂଷଣ ମୁକ୍ତ ଲାଗି ପ୍ରଦୂଷଣ ବୋର୍ଡ ପକ୍ଷରୁ ପଦକ୍ଷେପ ନିଆଯାଇଛି। ଗୃହ ଓ ନଗର ଉନ୍ନୟନ ବିଭାଗ, ଜନସ୍ୱାସ୍ଥ୍ୟ ବିଭାଗ, ପୌର ଅଧିକାରୀ ଓ ଜିଲ୍ଲା ଅଧିକାରୀଙ୍କୁ ଆବଶ୍ୟକ ପଦକ୍ଷେପ ନେବାକୁ ପରାମର୍ଶ ଦିଆଯାଇଥିବା ନେଇ ମନ୍ତ୍ରୀ ଗୃହରେ ଉତ୍ତର ରଖିଛନ୍ତି। ବର୍ତ୍ତମାନ ସମୟରେ ମହାନଦୀ ଜଳ ପ୍ରଦୂଷଣ ଚିନ୍ତାର ବିଷୟ ବୋଲି ମତ ପ୍ରକାଶ ପାଇଛି।</p> <p>କେବଳ ମଣିଷ କାହିଁକି, ଜଳ ପ୍ରଦ୍ୟୁଷଣ ଯୋଗୁଁ ଜଳଚର ପ୍ରାଣୀଙ୍କ ପାଇଁ ମଧ୍ୟ ସଙ୍କଟ ଦେଖାଦେଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
